પાણી ભરેલા ખાડામાંથી 4 આદિવાસી બાળકોના મૃતદેહ મળ્યાં

Adivasi news: પ્રયાગરાજ(Prayagraj)માં એકસાથે 4 આદિવાસી બાળકો(4 tribal children)ના મૃતદેહ મળી આવતા(die after falling into a pit) સૌ કોઈ સ્તબ્ધ થઈ ગયા છે. અહીંના મેજા વિસ્તારના બેદૌલી ગામમાંથી ગુમ થયેલા ચાર માસૂમ બાળકોના મૃતદેહ બુધવારે સવારે તેમના ઘરથી થોડે દૂર પાણીથી ભરેલા ખાડામાં તરતા મળી આવતા સનસનાટી મચી ગઈ હતી. ચાર બાળકોમાંથી બે ભાઈ-બહેન છે. બાકીના બે પાડોશી છે. માહિતી મળતાં મેજા પોલીસ સ્ટેશનના વડા રાજેશ ઉપાધ્યાય અને મેજાના એસપી ઘટનાસ્થળે પહોંચ્યા હતા. ચારેય બાળકોના મૃતદેહને પહેલા સીએચસી રામનગર લઈ જવામાં આવ્યા હતા. જ્યાં ડોક્ટરોએ ચારેયને મૃત જાહેર કર્યા હતા. આ ઘટનાને લઈને આદિવાસી પરિવારમાં માતમ છવાયો છે.

એક સાથે 4 બાળકો ખાડામાં ડૂબી જતા મોત

મેજાના બેદૌલી ગામની આદિવાસી વસ્તીમાં મોટાભાગના લોકો ગામમાં સ્થિત ઈંટના ભઠ્ઠામાં અથવા મનરેગામાં મજૂરી કરે છે. તેમની વસ્તી નજીક ઈંટનો ભઠ્ઠો ચાલે છે. ઈંટ બનાવવા માટે માટીની જરૂર પડતી હોવાથી ભઠ્ઠાના માલિકે અહીં એક મોટો ખાડો ખોદ્યો છે. જે વરસાદી પાણીથી ભરેલો છે. મંગળવારે સાંજે ત્રણ વાગ્યે આ વસાહતના લોકો મનરેગામાં કામ કરવા ગયા હતા. જ્યારે સાંજે 5 વાગ્યે તેઓ ઘરે આવ્યા ત્યારે હીરા આદિવાસીનો પુત્ર હુનર (5) પુત્રી વૈષ્ણવી (3), સંજય આદિવાસીનો પુત્ર ખેસારી લાલ (5) અને વિમલ આદિવાસીનો પુત્ર કાન્હા (5) ઘરેથી ગુમ હતા.

આ પણ વાંચોઃ આદિવાસી યુવકને માર મારી, મોં પર થૂંકી, પેશાબ પીવડાવ્યો

સવારે ચારેય બાળકોના મૃતદેહ મળ્યાં

આખી વસાહતના લોકોએ લાંબા સમય સુધી આ ચારેય બાળકોની શોધખોળ કરી પરંતુ કંઈ મળ્યું નહીં. રાત્રે ચાર બાળકો ગુમ થયાની ફરિયાદ નોંધીને મેજા પોલીસે શોધખોળ શરૂ કરી હતી, પરંતુ કંઈ મળ્યું નહીં. બુધવારે સવારે 6 વાગ્યે જ્યારે કોલોનીના લોકોએ ઈંટના ભઠ્ઠાની બાજુમાં પાણી ભરેલા ખાડામાં જોયું તો ત્યાં ચારેય માસૂમ બાળકોના મૃતદેહ તરતા જોવા મળ્યા.

આ ઘટનાથી સમસ્ત આદિવાસી વસ્તીમાં સનસનાટી મચી ગઈ. લોકોના ઘરોમાં રોકકળ થવા લાગી. કોલોનીના લોકોએ ચારેય બાળકોના તરતા મૃતદેહ બહાર કાઢ્યા. ઘટનાની માહિતી મળતાં જ મેજાના એસીપી, એસડીએમ સહિત અનેક પોલીસ સ્ટેશનનો સ્ટાફ ત્યાં પહોંચી ગયો.

પોલીસે શું કહ્યું?

પોલીસના જણાવ્યા અનુસાર, ચારેય બાળકો રમતા રમતા પાણી ભરેલા ખાડામાં પડી ગયા હતા. જેના કારણે ચારેય માસૂમ બાળકોના મોત થયા હતા. પોલીસે ચારેયના મૃતદેહને પોસ્ટમોર્ટમ માટે મોકલી આપ્યા છે. મેજાના એસડીએમે જણાવ્યું હતું કે ચારેય બાળકોના પરિવારજનોને 4 લાખ રૂપિયાની સહાય આપવામાં આવશે.

આ પણ વાંચોઃ ચોરીની શંકાએ અનાથ આદિવાસી બાળકીના ચહેરા પર ડામ દીધાં

મૃત્યુ પામેલા ચાર બાળકોમાંથી બે સગા ભાઈ-બહેન છે અને તે હીરા આદિવાસીના સંતાનો છે. ઘટના બાદ પરિવારમાં અને સમગ્ર વસાહતમાં અંધાધૂંધીનો માહોલ છે. પોલીસ અને વહીવટી અધિકારીઓ ઘટનાસ્થળે પહોંચી ગયા છે. પરિવારના સભ્યો પાસેથી ઘટનાની માહિતી લેવામાં આવી રહી છે.

#Prayagraj | बेदौली गांव (मेजा थाना क्षेत्र) में चार मासूम बच्चों की डूबने से मौत।

ईंट भट्ठे के पास खेत की खुदाई के लिए बनाए गए गड्ढे में बारिश का पानी भर गया था।

मंगलवार शाम खेलते-खेलते गहरे पानी में जा गिरे बच्चे।
शव बुधवार सुबह मिले।@prayagraj_pol @DDNewsHindi #DDNewsUP pic.twitter.com/K1aHuLRdxf

— DD News UP (@DDNewsUP) July 9, 2025

મુખ્યમંત્રીએ શોક વ્યક્ત કર્યો

મુખ્યમંત્રી યોગી આદિત્યનાથે આ ઘટના પર ઊંડો શોક વ્યક્ત કર્યો છે. તેમણે મૃતક બાળકોના પરિવારોને તાત્કાલિક સહાયની રકમ આપવાનો નિર્દેશ આપ્યો છે અને શોકગ્રસ્ત પરિવારો પ્રત્યે સંવેદના વ્યક્ત કરી છે. વહીવટી કર્મચારીઓ ઘટનાસ્થળે પહોંચી ગયા છે અને પરિસ્થિતિનો તાગ મેળવ્યો છે.

આ પણ વાંચોઃ સામાજિક બહિષ્કાર કરાતા આદિવાસી પરિવારે સામૂહિક આપઘાત કર્યો

કોન્ટ્રાક્ટરે નિયમ કરતા વધારે ઉંડો ખાડો ખોદ્યો

આ અકસ્માત માટીના ખોદકામ દરમિયાન નિયમોની અવગણનાનું પરિણામ હોવાનું માનવામાં આવે છે. ગામની બહાર JCB વડે ઊંડા ખાડા ખોદવામાં આવ્યા હતા, જે વરસાદ દરમિયાન પાણીથી ભરાઈ ગયા હતા. ગ્રામજનોનો આરોપ છે કે કોન્ટ્રાક્ટરો અને વહીવટી અધિકારીઓની મિલીભગતથી આવા ગેરકાયદે ખોદકામ થઈ રહ્યા છે, જેના કારણે ઘણા ગામોમાં આવા ખાડા મોતના ખાડા બની ગયા છે. ગ્રામજનોએ માંગ કરી છે કે આવા ઊંડા ખોદકામ પર કડક પ્રતિબંધ મૂકવો જોઈએ અને હાલના ખાડાને પુરીને તાત્કાલિક સમતળ કરવા જોઈએ.

આ પણ વાંચોઃ અહીં OTP મેળવવા આદિવાસીઓએ પહાડ ચડવો પડે છે