ABVP ના શિક્ષકે ‘કાવડ લેકર મત જાના’ ગીત ગાયું તો સસ્પેન્ડ કરાયા

અખિલ ભારતીય વિદ્યાર્થી પરિષદ (ABVP) એ ‘કાવડ લેકર મત જાના, જ્ઞાન કા દીપ જલાના…’ કવિતાનું પઠન કરનાર શિક્ષક સામે કાર્યવાહી કરી છે. શિક્ષક ABVP ના શહેર પ્રમુખ હતા. આ મામલો સમાચારોમાં ચમક્યા બાદ એબીવીપીએ તેમને પદ પરથી અને સંગઠનમાંથી દૂર કર્યા છે.

ABVP એ તાત્કાલિક અસરથી ડૉ. રજનીશ ગંગવારને બરેલી શહેરના પ્રમુખ પદ પરથી દૂર કરવાની જાહેરાત કરી છે. તેમના સ્થાને ડૉ. હરિનંદ કુશવાહાને બરેલીના નવા શહેર પ્રમુખ બનાવવામાં આવ્યા છે. ABVP ના રાષ્ટ્રીય કાર્યકારી સમિતિના સભ્ય અને ભૂતપૂર્વ રાષ્ટ્રીય ઉપાધ્યક્ષ ડૉ. ભૂપેન્દ્ર સિંહે કહ્યું છે કે પ્રદેશ પ્રમુખની સૂચનાથી શિક્ષક વિરુદ્ધ કાર્યવાહી કરવામાં આવી છે. કાઉન્સિલનું કહેવું છે કે ABVP ના ગરિમા અને સિદ્ધાંતોનું રક્ષણ કરવા માટે આ નિર્ણય જરૂરી હતો. તેમણે કહ્યું છે કે સંગઠન આ બાબતની ઊંડાણપૂર્વક સમીક્ષા કરી રહ્યું છે અને સંગઠનની વિચારધારાથી ભટકનારાઓ માટે ABVP માં કોઈ સ્થાન નથી.

આખો વિવાદ શું છે?

આ મામલો ઉત્તર પ્રદેશના બરેલીનો છે. શિક્ષક અને કવિ ડૉ. રજનીશ ગંગવાર MGM ઇન્ટર કોલેજમાં નોકરી કરે છે. તાજેતરમાં પ્રાર્થના સભા દરમિયાન તેમણે બાળકોની સામે એક કવિતા સંભળાવી હતી. જેમાં તેમણે કહ્યું હતું કે, કાવડ લેકર મત જાના, જ્ઞાન કા દીપ જલાના, માનવતા કી સેવા કરકે તુમ સચ્ચે માનવ બન જાના.

તેમનો આ વીડિયો સોશિયલ મીડિયા પર વાયરલ થયો હતો. ત્યારબાદ આરએસએસ સાથે જોડાયેલા કેટલાક લોકોએ તેમને નિશાન બનાવ્યા હતા. કેટલાક સ્થાનિક હિન્દુ સંગઠનોએ પણ તેમનો વિરોધ કર્યો હતો અને તેમની સામે FIR પણ નોંધવામાં આવી હતી.

શિક્ષકે શું કહ્યું?

જ્યારે વિવાદ વધ્યો, ત્યારે શિક્ષક ડો. રજનીશ ગંગવારે એક વીડિયો બહાર પાડીને પોતાનો પક્ષ રજૂ કર્યો હતો. તેમણે કહ્યું કે તેમનો હેતુ કોઈપણ ધાર્મિક પ્રતીકનું અપમાન કરવાનો નહોતો. તેઓ બાળકોને શિક્ષણનું મહત્વ અને સેવાની ભાવના સમજાવવા માંગતા હતા.

“कांवड़ लेने मत जाना, तुम ज्ञान के दीप जलाना, मानवता की सेवा करके तुम सच्चे मानव बन जाना”

सिर्फ ये कविता पढ़ने पर UP के बरेली में रहने वाले शिक्षक Dr Rajnish Gangwaar पर FIR हो गई है।

लेकिन अब समझ नहीं आ रहा है डॉक्टर साहब ने गलत क्या कहा है?

आपने अबतक कितने डॉक्टर, इंजीनियर… pic.twitter.com/6UkrWCj5L8

— Dr. Sheetal yadav (@Sheetal2242) July 15, 2025

તેમણે પોતાની સામે નોંધાયેલી FIR નો પણ વિરોધ કર્યો અને કહ્યું કે સરકાર દંભને પ્રોત્સાહન આપી રહી છે, શાળાઓ બંધ કરી રહી છે અને દારૂની દુકાનો ખોલી રહી છે, દરેક વ્યક્તિએ આની સામે અવાજ ઉઠાવવો જોઈએ.

આ પણ વાંચો: કાવડયાત્રા કેવી રીતે ધાર્મિકમાંથી રાજકીય કાર્યક્રમ બની ગયો?