મથુરાના એક ગામમાં હોળી પર દલિતોને બળજબરીથી રંગ લગાવવા બદલ લગભગ 42 લોકો વિરુદ્ધ કેસ નોંધવામાં આવ્યો છે. જૈત પોલીસ સ્ટેશનના બાટી ગામમાં ધૂળેટીના દિવસે કેટલાક કથિત સવર્ણ જાતિના યુવાનોએ અનુસૂચિત જાતિના લોકોને બળજબરીથી રંગ લગાવ્યો હતો. જેના કારણે મારામારી થઈ હતી. સવર્ણોએ દલિતવાસ પર લાકડીઓ વડે હુમલો કર્યો અને પથ્થરમારો પણ કર્યો, જેમાં 12 લોકો ઘાયલ થયા. આ કેસ સંબંધિત પુરાવા એકત્રિત કરવામાં આવી રહ્યા છે. પોલીસ તપાસ ચાલુ છે.
32 દલિતો સામે કેસ નોંધાયો, 9 ની ધરપકડ કરાઈ હતી
પોલીસે શનિવારે આ મામલે વધુ માહિતી આપતા જણાવ્યું હતું કે, જૈત પોલીસ સ્ટેશન વિસ્તાર હેઠળના બાટી ગામમાં ધૂળેટીના દિવસે કેટલાક કથિત ઉચ્ચ જાતિના યુવકોએ અનુસૂચિત જાતિના લોકોને બળજબરીથી રંગ લગાવ્યા ત્યારે અથડામણ થઈ હતી. જેમાં 12 લોકો ઘાયલ થયા હતા. એ પછી પોલીસે 32 દલિતો સામે કેસ નોંધ્યો અને તેમાંથી નવની ધરપકડ કરીને જેલમાં મોકલી આપ્યા હતા.
આ પણ વાંચો: 4.53 કરોડ કેસો કોર્ટોમાં પડતર હોય ત્યાં ન્યાયની દેવીમાં બદલાવનો અર્થ ખરો?
શુક્રવારે, દલિત જૂથોએ જિલ્લા મેજિસ્ટ્રેટની કચેરી ખાતે વિરોધ પ્રદર્શન કર્યું અને માંગ કરી કે સવર્ણો સામે પણ કેસ નોંધવામાં આવે.
સદર વિસ્તારના પોલીસ સર્કલ ઓફિસર (CO) સંદીપ કુમારે જણાવ્યું હતું કે બાટી ગામની એક મહિલાની ફરિયાદના આધારે પોલીસે શુક્રવારે ભારતીય ન્યાયિક સંહિતા અને અનુસૂચિત જાતિ અને અનુસૂચિત જનજાતિ (અત્યાચાર નિવારણ) અધિનિયમની વિવિધ જોગવાઈઓ હેઠળ 42 લોકો સામે FIR નોંધી છે. તેમણે કહ્યું કે કેસ સંબંધિત પુરાવા એકત્રિત કરવામાં આવી રહ્યા છે. પોલીસ તપાસ ચાલુ છે.
આ પણ વાંચો: હોળીમાં ડીજે વગાડવા બદલ દલિત યુવકની છરી મારી હત્યા
Users Today : 2141