Dalit News: ઉત્તર પ્રદેશના સિદ્ધાર્થનગર(Siddharthnagar UP) જિલ્લામાં એક ચોંકાવનારી ઘટના સામે આવી છે. મિશ્રુલિયા પોલીસ સ્ટેશન વિસ્તારમાં તેના માતાપિતાના ઘરે આવેલી 22 વર્ષીય દલિત પરિણીતા પર સાત યુવાનોએ સામૂહિક બળાત્કાર કર્યો હતો. પીડિતાની ફરિયાદ પર તાત્કાલિક કાર્યવાહી કરતા પોલીસે છ આરોપીઓની ધરપકડ કરી હતી, જ્યારે મુખ્ય આરોપી હજુ પણ ફરાર છે. SC-ST Act સહિતની કલમો હેઠળ તમામ સામે કેસ કરી કાર્યવાહી હાથ ધરવામાં આવી છે.
પૂર્વ બોયફ્રેન્ડ ધમકી આપી મળવા બોલાવી અને ગેંગરેપ થયો
આ ઘટના 12 નવેમ્બરના રોજ બની હોવાનું કહેવાય છે. જ્યારે પીડિતા તેના માતાપિતાના ઘરે હતી, ત્યારે તેના ભૂતપૂર્વ બોયફ્રેન્ડે તેને ફોન પર ફોન કરીને મળવા કહ્યું. જ્યારે તેણીએ ના પાડી, ત્યારે આરોપીએ ધમકી આપી કે જો તે નહીં મળે તો તે ઘરે આવી જશે. ડરના કારણે, પરિણીતા તેના દ્વારા જણાવેલ સ્થળે ગઈ. જ્યાં તેનો પૂર્વ બોયફ્રેન્ડ વિકાસ અને તેનો મિત્ર જગ્ગી ઘટનાસ્થળે હાજર હતા. એવો આરોપ છે કે બંનેએ પહેલા વારાફરતી પરિણિતા પર બળાત્કાર કર્યો. પછી તેમના અન્ય છ મિત્રોને બોલાવ્યા.
આ પણ વાંચો: દલિત યુવતીનું ગળું કાપીને હત્યા કરાયેલી હાલતમાં લાશ મળી આવી
આરોપીઓએ ગેંગરેપનો વીડિયો બનાવ્યો
પીડિતાના જણાવ્યા મુજબ, તેઓએ એક પછી એક તેની પર બળાત્કાર કર્યો અને આખી ઘટનાનો વીડિયો ઉતારી લીધો અને જો તે કોઈને કહેશે તો તેને મારી નાખવાની ધમકી પણ આપી. ડરના કારણે પરિણિતા ચૂપ રહી, પરંતુ 21 નવેમ્બરના રોજ, તેણીએ દિલ્હીથી પરત આવેલા તેના ભાઈને વાત જણાવી. ત્યારબાદ, બંને પોલીસ સ્ટેશન ગયા અને આરોપીઓ વિરુદ્ધ SC/ST એક્ટની કલમ 70(1), 351(3) IPC અને 3(2) (V) હેઠળ કેસ નોંધ્યો છે.
આરોપીમાં 4 સગીર હોવાથી બાળ સુધાર ગૃહમાં મોકલાયા
હાલમાં, પોલીસે છ આરોપીઓની ધરપકડ કરી છે. તેમાંથી બેને જેલમાં મોકલી દેવામાં આવ્યા છે. ચોંકાવનારી વાત એ છે કે, આરોપીઓમાં ચાર સગીર છે. આથી તેમને બાળ સુધાર ગૃહમાં મોકલી દેવામાં આવ્યા છે. ઘટનાનો મુખ્ય આરોપી હજુ પણ ફરાર છે; પોલીસની ઘણી ટીમો તેને પકડવા માટે તપાસ કરી રહી છે.
આ પણ વાંચો: બાળકી સ્કૂલે મોડી પડી, શિક્ષકે 100 ઊઠ-બેસ કરાવતા મોત થયું!
