હૈદરાબાદ: વૈશ્વિક ટેકનોલોજી કંપની માઇક્રોસોફ્ટ હાલમાં એક અત્યંત સંવેદનશીલ અને વિચિત્ર કાનૂની વિવાદમાં ફસાઈ છે. કંપનીના હૈદરાબાદ સ્થિત ઓફિસમાં કાર્યરત એક 32 વર્ષીય દલિત સોફ્ટવેર એન્જિનિયરે મેનેજમેન્ટ અને સહકર્મીઓ પર જાતિ આધારિત ભેદભાવના ગંભીર આક્ષેપો કરતી ફરિયાદ નોંધાવી છે. આ મામલો એટલા માટે ચર્ચામાં છે કારણ કે સામાન્ય રીતે કોર્પોરેટ જગતમાં કામગીરીના આધારે મૂલ્યાંકન થતું હોય છે, પરંતુ અહીં પ્રોગ્રામિંગ લેંગ્વેજને જાતિ સાથે જોડવાનો દાવો કરવામાં આવ્યો છે.
ટેક જગતમાં ખળભળાટ: પ્રોગ્રામિંગ લેંગ્વેજમાં પણ જાતિવાદ?
ભારતીય મૂળના આ એન્જિનિયરના જણાવ્યા અનુસાર, તે દલિત સમાજમાંથી આવતો હોવાથી તેને ઓફિસમાં માનસિક રીતે હેરાન કરવામાં આવે છે અને તેની કારકિર્દીના વિકાસમાં અવરોધો ઊભા કરવામાં આવી રહ્યા છે. ફરિયાદમાં સૌથી ચોંકાવનારો દાવો એ છે કે, દલિત હોવાથી તેને તેને ‘પાઈથન’ (Python) જેવી આધુનિક અને લોકપ્રિય પ્રોગ્રામિંગ લેંગ્વેજ પર કામ કરવાની મંજૂરી આપવામાં આવી નહોતી.
એન્જિનિયરે આક્ષેપ કર્યો છે કે જ્યારે તેણે પાઈથન આધારિત પ્રોજેક્ટ્સમાં ભાગ લેવાની ઈચ્છા વ્યક્ત કરી, ત્યારે તેના સુપરવાઈઝરો અને કેટલાક સહકર્મીઓએ સ્પષ્ટ શબ્દોમાં કહ્યું કે, “આ પ્રકારનું ઉચ્ચ કક્ષાનું પ્રોગ્રામિંગ કામ ફક્ત બ્રાહ્મણ અને ક્ષત્રિય જેવી ઉચ્ચ જ્ઞાતિના લોકો માટે જ અનામત છે.”
આ પણ વાંચો: ઝૂંપડીમાં રહીને આદિવાસી સંસ્કૃતિ બચાવનાર ભિકલ્યા ઢિંડાને પદ્મશ્રી મળ્યો
કામમાં ભેદભાવ અને અપમાનનો દાવો
ફાઈલ કરવામાં આવેલા દસ્તાવેજો મુજબ, પીડિત એન્જિનિયરને પાઈથન જેવા મહત્વના પ્રોજેક્ટ્સથી દૂર રાખીને માત્ર C++ અથવા જાવા (Java) જેવી લેંગ્વેજ પર કામ કરવા મજબૂર કરવામાં આવ્યો હતો. એટલું જ નહીં, તેણે એવો પણ દાવો કર્યો છે કે તેને ઓફિસ પરિસરમાં સફાઈ સંબંધિત કામો સોંપવામાં આવ્યા હતા, જે તેના હોદ્દા અને લાયકાતની વિરુદ્ધ હતા.
દલિત એન્જિનિયરનું કહેવું છે કે આ પ્રકારના વ્યવહારને કારણે તેની વ્યાવસાયિક પ્રગતિ અટકી ગઈ છે અને તેને સામાજિક તેમજ વ્યક્તિગત રીતે ભારે અપમાન સહન કરવું પડ્યું છે. ગ્લોબલ કંપનીઓમાં જ્યાં સમાનતાના દાવા કરવામાં આવે છે, ત્યાં આ પ્રકારની ઘટનાએ આખા આઈટી સેક્ટરને વિચારતું કરી દીધું છે.
કંપનીની લીગલ ટીમે તપાસ શરૂ કરી
હાલમાં આ સમગ્ર મામલો લીગલ સિસ્ટમ એટલે કે ન્યાયિક પ્રક્રિયા હેઠળ છે. કાયદાકીય નિષ્ણાતોનું કહેવું છે કે ટેક કંપનીઓમાં કામના વાતાવરણ અને ભેદભાવને લઈને કડક નિયમો હોય છે, પરંતુ પ્રોગ્રામિંગ લેંગ્વેજ સાથે જાતિવાદને જોડવાનો આવો કિસ્સો અગાઉ ક્યારેય જોવા મળ્યો નથી. માઇક્રોસોફ્ટ જેવી પ્રતિષ્ઠિત કંપની આ બાબતે આંતરિક તપાસ કરી રહી હોવાનું મનાય છે. અધિકારીઓએ જણાવ્યું છે કે તથ્યોની ઝીણવટભરી તપાસ બાદ જ સત્ય બહાર આવશે. જો આ આક્ષેપો સાચા સાબિત થશે, તો તે માત્ર ભારતીય શ્રમ કાયદાનું જ નહીં પરંતુ આંતરરાષ્ટ્રીય માનવાધિકાર ધોરણોનું પણ ઉલ્લંઘન ગણાશે.
આ પણ વાંચો: એક વણકરનો દીકરો કેવી રીતે ‘ભારતીય પત્રકારત્વનો પિતા’ બન્યો?
સોશિયલ મીડિયામાં સમાચાર વાયરલ થયા
સોશિયલ મીડિયા અને ટેક જગતમાં આ સમાચાર વાયરલ થયા બાદ લોકોની આખરી પ્રતિક્રિયાઓ જોવા મળી રહી છે. કેટલાક લોકો આને ગંભીર મુદ્દો ગણાવી રહ્યા છે, તો કેટલાક આ આક્ષેપોની સત્યતા સામે સવાલ ઉઠાવી રહ્યા છે. જો કે, કાયદાકીય પ્રક્રિયાના અંતે જ સ્પષ્ટ થશે કે આ ખરેખર જાતિવાદનો મામલો છે કે પછી કોઈ અંગત વિવાદ. જો આરોપોમાં તથ્ય જણાશે, તો જવાબદાર લોકો સામે કડક કાનૂની કાર્યવાહી કરવામાં આવશે તેવી આશા રાખવામાં આવી રહી છે.
આ પણ વાંચો: ભંગાર વેચતા પિતાની પુત્રીએ માઈક્રોસોફ્ટમાં 55 લાખની નોકરી મેળવી
*ભારત સરકારે તે માઈક્રોસોફટ કંપનીનું રાષ્ટ્રીય તથા આંતરરાષ્ટ્રીય બજારમાંથી તેનું લાઈસન્સ રદ કરવું જોઈએ ત્યારે જ શત્રુ જાતિવાદીઓની “ગોબર ખોપરી”! ઠેકાણે આવી જશે! જય સંવિધાન જય ભારત! સત્યમેવ જયતે!