Rakesh Bedi: ‘ધુરંધર’ ફિલ્મના કારણે હાલ ચર્ચામાં રહેલા અભિનેતા રાકેશ બેદી ડો.બાબાસાહેબ આંબેડકર વિશેના પોતાના એક જૂના વીડિયોને લઈને વિવાદમાં ફસાયા છે. રાકેશ બેદીએ અગાઉ આપેલા ઈન્ટરવ્યૂ દરમિયાન ભારતીય બંધારણના ઘડવૈયા ડૉ. બી.આર. આંબેડકર વિશે વાત કરી હતી. આ ચર્ચા દરમિયાન તેમણે ‘હરિજન’ શબ્દનો ઉપયોગ કર્યો હતો, જે વર્તમાન ભારતીય કાયદા અને બંધારણીય જોગવાઈઓ હેઠળ પ્રતિબંધિત ગણાય છે. આ વીડિયો સોશિયલ મીડિયા પર વાયરલ થતાં જ દલિત સંગઠનો અને સામાજિક કાર્યકરોમાં ભારે રોષ ફાટી નીકળ્યો હતો, જેના પરિણામે અંતે અભિનેતાએ જાહેર માફી માંગવાની ફરજ પડી છે.
જૂના ઇન્ટરવ્યુથી સર્જાયો નવો વિવાદ
આ વિવાદની શરૂઆત ત્યારે થઈ જ્યારે આઝાદ સમાજ પાર્ટીના મુંબઈ પ્રદેશ અધ્યક્ષ કૈલાશ જાયસવારે રાકેશ બેદીનો એક જૂનો વીડિયો ઈન્ટરનેટ પર શેર કર્યો. આ ક્લિપમાં રાકેશ બેદી ડૉ. બાબાસાહેબ આંબેડકર દ્વારા સમાજના વંચિત અને શોષિત વર્ગોના ઉત્થાન માટે કરવામાં આવેલા ક્રાંતિકારી કાર્યોની પ્રશંસા કરી રહ્યા હતા. જોકે, આ પ્રશંસા દરમિયાન તેમણે વારંવાર ‘હરિજન’ અને ‘દલિત’ શબ્દોનો પ્રયોગ કર્યો હતો. ખાસ કરીને ‘હરિજન’ શબ્દનો ઉપયોગ ભારતમાં સત્તાવાર રીતે પ્રતિબંધિત છે અને તેને જાતિગત રીતે અપમાનજનક માનવામાં આવે છે. જાયસવારે આ મુદ્દે આકરી પ્રતિક્રિયા આપતા જણાવ્યું કે, એક જવાબદાર અભિનેતા તરીકે રાકેશ બેદીએ બંધારણીય મર્યાદાઓનું પાનલ કરવું જોઈતું હતું.
આ પણ વાંચો: બોલીવૂડના ‘જાતિવાદની પોલ ખોલનાર’ વિજય રંચનની વિદાય
આઝાદ સમાજ પાર્ટીએ વિરોધ નોંધાવતા માફી માંગી
સોશિયલ મીડિયા પર વધતા દબાણ અને કૈલાશ જાયસ્વાલના હસ્તક્ષેપ બાદ, રાકેશ બેદીએ એક વીડિયો સંદેશ જાહેર કરીને પોતાનો પક્ષ રજૂ કર્યો હતો. તેમણે સ્વીકાર્યું કે તેઓ કાયદાકીય જોગવાઈઓથી અજાણ હતા. રાકેશ બેદીએ વીડિયોમાં જણાવ્યું કે, “થોડા સમય પહેલા મેં એક વીડિયો પોસ્ટ કર્યો હતો જેમાં મેં કહ્યું હતું કે ડૉ. ભીમરાવ આંબેડકરજીએ પછાત સમાજ અને લોકો માટે ઘણું કામ કર્યું છે. તે સમયે મેં જે શબ્દ પ્રયોગ કર્યો હતો, તે બદલ હવે મને જાણ થઈ છે કે તે શબ્દ ભારતમાં પ્રતિબંધિત છે. મારો હેતુ ડૉ. આંબેડકરના કાર્યોનું સન્માન કરવાનો હતો, પરંતુ શબ્દની પસંદગીમાં મારાથી અજાણતા મોટી ભૂલ થઈ ગઈ છે.”
માફીનો વીડિયો સોશિયલ મીડિયામાં પોસ્ટ કર્યો
આ વિવાદને શમાવવામાં કૈલાશ જાયસવારેની મહત્વની ભૂમિકા રહી છે. તેમણે રાકેશ બેદી સાથે ટેલિફોનિક વાતચીત કરી હતી, જેની ઓડિયો ક્લિપ પણ સામે આવી છે. આ વાતચીતમાં જાયસવારે અભિનેતાને સમજાવ્યું હતું કે શા માટે ‘હરિજન’ શબ્દ હવે વાપરવો ગુનો બને છે અને તેનાથી સમાજના એક વર્ગની લાગણી દુભાય છે. રાકેશ બેદીએ આ વાતને ગંભીરતાથી લીધી અને કોઈ પણ પ્રકારના અહંકાર વગર જાહેર માફી માંગી લીધી. તેમણે કહ્યું કે, “જો મારા કોઈ પણ શબ્દથી કોઈ વ્યક્તિ કે સમાજની લાગણીને ઠેસ પહોંચી હોય તો હું હાથ જોડીને માફી માંગુ છું. હું ડૉ. આંબેડકરનો અને તમામ સમાજનો આદર કરું છું.”
धुरंधर मूवी के एक्टर राकेश बेदी, बुढ़ापे में सठिया गए हैं इन्हें पता नहीं है कि “हरिजन” शब्द को सुप्रीम कोर्ट ने जातिसूचक मानकर बैन कर दिया है। देखिए इनके दिमाग में जातिवादी कीड़ा घुसकर भरा है।@therakeshbedi अगर 24 घंटों में जातिवादी एक्टर राकेश बेदी ने माफी नहीं मांगी तो इसे… pic.twitter.com/Ce3qYVUOxq
— Sunil Astay (@SunilAstay) April 3, 2026
આ પણ વાંચો: રાજામૌલીના પિતા અને ભાજપ સાંસદ વિજયેન્દ્ર પ્રસાદે ડો.આંબેડકરનું અપમાન કર્યું
સેલિબ્રિટીઝ માટે જાગૃતિનો કિસ્સો
રાકેશ બેદીનો આ કિસ્સો અન્ય સેલિબ્રિટીઝ માટે પણ એક ઉદાહરણ સમાન છે. ભારત સરકાર અને સુપ્રીમ કોર્ટે સ્પષ્ટ નિર્દેશો આપ્યા છે કે સત્તાવાર દસ્તાવેજો કે જાહેર સંબોધનોમાં ‘હરિજન’ જેવા શબ્દોનો ઉપયોગ ટાળવો જોઈએ, કારણ કે તે જાતિવાદને પ્રોત્સાહન આપે છે. અભિનેતા દ્વારા માંગવામાં આવેલી માફી બાદ સોશિયલ મીડિયા પર ચર્ચા જાગી છે કે ભલે ઈરાદો સાફ હોય, પણ જાહેર જીવનમાં રહેલી વ્યક્તિઓએ કાયદાકીય અને સામાજિક પરિવર્તનોથી માહિતગાર રહેવું જોઈએ.
धुरंधर फिल्म के अभिनेता राकेश बेदी ने हाल ही में दलित समाज के लिए गैर-संवैधानिक शब्द “हरिजन” का प्रयोग किया था
जिसे लेकर एससी समाज ने कड़ा विरोध दर्ज कराया
अब राकेश बेदी ने वीडियो जारी करके उसके लिए माफी मांग ली है। बड़ा दिल दिखाते हुए अब एससी समाज को भी माफ कर देना चाहिए…!! pic.twitter.com/MCWd30apii
— Priyanshu Kumar (@priyanshu__63) April 5, 2026
બહુજન સંગઠનોની જાગૃતિ મહત્વની બની
આ ઘટના બાદ દલિત સંગઠનોએ પણ સંતોષ વ્યક્ત કર્યો છે કે અભિનેતાએ પોતાની ભૂલ સ્વીકારી લીધી છે. રાકેશ બેદીએ જણાવ્યું કે તેઓ ભવિષ્યમાં આવા સંવેદનશીલ મુદ્દાઓ પર બોલતી વખતે વિશેષ તકેદારી રાખશે. હાલમાં ‘ધુરંધર’ જેવી હિટ સિરીઝમાં કામ કરી રહેલા બેદી માટે આ વિવાદ તેમની છબી પર ડાઘ સમાન હતો, પરંતુ ત્વરિત માફી માંગીને તેમણે વિવાદને વધુ વકરતો અટકાવ્યો છે. આ ઘટનાએ ફરી એકવાર સાબિત કર્યું છે કે ડિજિટલ યુગમાં કોઈ પણ નિવેદન ગમે ત્યારે મુશ્કેલી સર્જી શકે છે, તેથી શબ્દોની પસંદગીમાં ચોકસાઈ રાખવી અનિવાર્ય છે.
આ પણ વાંચો: ‘ભંગી’ જાતિ નથી કહી હાઈકોર્ટે સલમાન ખાન, શિલ્પા શેટ્ટીને જામીન આપી દીધાં
અજાણતામાં કરેલી ભુલ ન કહેવાય , એમનો ઇરાદો બેશક બાબાસાહેબના કાર્યોનું સન્માન કરવાનો હતો.ભારતમાં એવા ઘણીબધી સેલિબ્રીટી છે જેમને ભારતીય પરંપરાઓ અને કાયદાની ખબરજ હોતી નથી.એટલે તેઓ ભુલ કરી બેસે છે.મોટાભાગના સરકારી કર્મચારીઓને પણ આવી બાબતોની ખબર નથી હોતી.પણ તેમનો ઇરાદો જાણ્યા પછીજ તેમનો વિરોધ કરવો જોઈએ .