Pa. Ranjith એ તમિલનાડુ સરકાર પર દલિતો મુદ્દે નિશાન સાધ્યું

કાલા, કબાલી, પેરિયારમ પેરુમલ, સરપટ્ટા પરંબરાઈ અને થંલગાન જેવી બ્લોકબસ્ટર ફિલ્મોના જાણીતા ડિરેક્ટર પા. રંજિથે (Pa. Ranjith) તમિલનાડુ એમ.કે. સ્ટાલિન (M.K. Stalin) સરકારની આકરી ટીકા કરી છે. રંજિથે સ્ટાલિનની આગેવાની હેઠળની તમિલનાડુ સરકાર (Tamil Nadu government) પર રાજ્યમાં જાતિ અત્યાચારોને રોકવામાં તેની નિષ્ફળતા પર પ્રશ્ન ઉઠાવ્યો છે. તેમણે પૂછ્યું કે શું સરકાર એ સ્વીકારશે કે તેના શાસન દરમિયાન આવી ઘટનાઓ બની રહી હતી?

આ પણ વાંચો:  Pa. Ranjithની બોલીવૂડમાં એન્ટ્રી, Birsa Munda પર ફિલ્મ બનાવશે

મુખ્યમંત્રી સ્ટાલિનની ‘ઉંગલિલ ઓરુવન’ (Ungalil Oruvan) કેટેગરીના એક વિડીયો પર પ્રતિક્રિયા આપતા રંજીથે (Pa. Ranjith) સોશિયલ મીડિયા પ્લેટફોર્મ X પર આરોપ લગાવ્યો કે તમિલનાડુમાં કેટલાક સૌથી ગંભીર જાતિગત ગુનાઓ કોઈપણ અસરકારક હસ્તક્ષેપ વિના ચાલુ છે. તેમણે એમ પણ કહ્યું કે તાજેતરમાં દલિતો પર હિંસક હુમલાઓ થયા છે અને પૂછ્યું, “જો સરકાર આને રોકી શકતી નથી, તો શું તે ઓછામાં ઓછું સ્વીકારશે કે તમિલનાડુમાં આવા જાતિગત અત્યાચારો થઈ રહ્યા છે?”

தமிழ்நாட்டில் மிகக் கொடுமையான சாதியரீதியிலான வன்கொடுமைகள் தங்கு தடையின்றி நடைபெற்றுக்கொண்டிருக்கிறது. கடந்த சில தினங்களில் மட்டும் பல வன்முறை சம்பவங்கள் தலித் மக்களின் மீது நிகழ்த்தப் பட்டிருக்கிறது. இதை தடுக்க அல்லது குறைந்தப்பட்சம் இப்படி நடந்துகொண்டு இருக்கிறது என்பதையாவது… https://t.co/t4Bruzfhal

— pa.ranjith (@beemji) February 15, 2025

રણજીતે રાજ્યના SC/ST કલ્યાણ મંત્રી અને અનામત મતવિસ્તારના પ્રતિનિધિઓની પણ ટીકા કરી. તેમણે કહ્યું કે જ્યારે આ નેતાઓ વ્યસ્ત છે ત્યારે તેઓ પોતે તમિલનાડુમાં તાજેતરના જાતિ અત્યાચારો પર અહેવાલ રજૂ કરવા તૈયાર છે.

પોતાની ફિલ્મો દ્વારા જાતિગત અત્યાચાર સામે અવાજ ઉઠાવનારા રંજિથે (Pa. Ranjith) બહુજન સમાજવાદી પાર્ટી (BSP) ના રાજ્ય નેતા આર્મસ્ટ્રોંગની હત્યા બાદ રાજ્ય સરકારની આકરી ટીકા કરી હતી. આર્મસ્ટ્રોંગની ચેન્નાઈમાં તેમના નિવાસસ્થાન નજીક ક્રૂરતાથી હત્યા કરવામાં આવી હતી.

દરમિયાન, શનિવારે રિલીઝ થયેલા ‘ઉંગલિલ ઓરુવન’ના નવા એપિસોડમાં મુખ્યમંત્રી સ્ટાલિને લોકોના પ્રશ્નોના જવાબ આપ્યા. તેમણે વિવિધ મુદ્દાઓ પર ચર્ચા કરી, જેમાં ડીએમકેના નેતૃત્વ હેઠળના ગઠબંધનમાં મતભેદો અને વિપક્ષી AIDMKની ટીકાનો સમાવેશ થાય છે.
ઉલ્લેખનીય છે કે, DMK ના મુખ્ય સાથી પક્ષો વિદુથલાઈ ચિરુથાઈગલ કાચી (VCK) અને ભારતીય કોમ્યુનિસ્ટ પાર્ટી (માર્ક્સવાદી) CPI(M) એ વેંગૈવયાલ જાતિ અત્યાચાર કેસમાં સીબીઆઈ તપાસની માંગ કરી છે, જ્યાં પુડુકોટ્ટાઈ જિલ્લામાં એક ઉંચી પાણીની ટાંકીમાં કથિત રીતે માનવ મળ ભેળવવામાં આવ્યો હતો.

આ પણ વાંચો: મહારાષ્ટ્રમાં દેશની પહેલી અનુસૂચિત જાતિ સમાજની બેંક શરૂ થઈ