ભાજપ કાર્યકરે દર્દીને 10 રૂપિયાનું બિસ્કિટ આપ્યું, ફોટો પાડી પાછું લઈ લીધું

પીએમ નરેન્દ્ર મોદીના જન્મદિવસની ઉજવણી માટે, ભાજપે 17 સપ્ટેમ્બરથી 2 ઓક્ટોબર સુધી દેશવ્યાપી સેવા પખવાડિયાનું આયોજન કર્યું હતું. રાજસ્થાનના જયપુરમાં સેવા પખવાડિયાનો એક વીડિયો વાયરલ થયો છે. જેમાં ભાજપની એક મહિલા કાર્યકર્તા હોસ્પિટલમાં દાખલ એક દર્દીને બિસ્કિટ આપે છે અને પછી ફોટો પડાવીને તે પરત લઈ લે છે.

રાજસ્થાનના પાટનગર જયપુરમાં RUHSCMS હોસ્પિટલમાં યોજાયેલ સેવા પખવાડિયું એક વાયરલ વીડિયોને કારણે સમાચારમાં છે. સેવા પખવાડા અંતર્ગત દર્દીઓને ફળ અને બિસ્કિટનું વિતરણ કરવામાં આવી રહ્યું હતું, પરંતુ આ દરમિયાન, એક મહિલા ભાજપ કાર્યકર્તાએ કંઈક એવું કર્યું જેનાથી સમગ્ર ઘટના પર પ્રશ્નો ઉભા થયા છે.

10 रुपए का बिस्किट देकर वापस ले लिया, ऐसी समाज सेवा को क्या नाम दिया जाए ?pic.twitter.com/rsfWYI8YMO

— Prem Bhardwaj (@premkumarcbn01) October 3, 2025

વાયરલ વીડિયોમાં, સ્પષ્ટપણે જોઈ શકાય છે કે મહિલા કાર્યકર્તા દર્દીને 10 રૂપિયાનું બિસ્કિટનું પેકેટ આપે છે અને તેની સાથે ફોટો પડાવે છે. ફોટો પડતાની સાથે જ મહિલા કાર્યકર્તા દર્દી પાસેથી બિસ્કિટનું પેકેટ પાછું લઈ લે છે અને તેને પોતાની બેગમાં મૂકી દે છે. કોઈએ આખી ઘટના કેમેરામાં કેદ કરી લીધી હતી. આ વીડિયો હવે સોશિયલ મીડિયા પર વાયરલ થઈ રહ્યો છે.

આ પણ વાંચો: ભાજપ MLA એ ગેરકાયદે રીતે આદિવાસીઓની 1173 એકર જમીન ખરીદી!

આ સેવા પખવાડાનું આયોજન સ્થાનિક વોર્ડ કો ઓર્ડિનેટર વીરેન્દ્ર સિંહ દ્વારા કરવામાં આવ્યું હતું. આ કાર્યક્રમ દરમિયાન ભાજપના અધિકારીઓ અને કાર્યકરોએ દર્દીઓને ફળો અને બિસ્કિટનું વિતરણ કર્યું હતું. જોકે, મહિલા કાર્યકર દ્વારા બિસ્કિટ પાછા લેવાનું કૃત્ય ચર્ચાનું કેન્દ્ર બન્યું છે.

લોકો સોશિયલ મીડિયા પર ટીકા કરી રહ્યા છે

લોકો સોશિયલ મીડિયા પર આ ઘટનાની ટીકા કરી રહ્યા છે. ઘણા લોકો કહે છે કે ગરીબ અને બીમાર દર્દીઓનો ઉપયોગ ફક્ત ફોટો પાડવા માટે કરવામાં આવ્યો હતો. કેટલાક યૂઝર્સે તેને “માર્કેટિંગ સ્ટંટ” કહીને મજાક ઉડાવી છે. અન્ય લોકો તેને નિમ્ન કૃત્ય કહીને વખોડી રહ્યા છે.

ભાજપે 17 સપ્ટેમ્બરે વડા પ્રધાન નરેન્દ્ર મોદીના જન્મદિવસથી 2 ઓક્ટોબરે મહાત્મા ગાંધીની જન્મજયંતિ સુધી સેવા પખવાડાનું આયોજન કરવાની જાહેરાત કરી હતી. ભાજપે જણાવ્યું હતું કે વડા પ્રધાનના જન્મદિવસથી ગાંધી જયંતિ સુધી, ભાજપ કેન્દ્ર સરકાર અને રાજ્ય સરકારો સાથે મળીને કલ્યાણકારી અને જાગૃતિ પ્રવૃત્તિઓની શ્રેણીનું આયોજન કરશે. સેવા પખવાડા દરમિયાન, દેશભરમાં સ્વચ્છતા અને જાગૃતિ કાર્યક્રમોનું આયોજન કરવામાં આવ્યું હતું. આ સેવા પખવાડા 2જી ઓક્ટોબર, ગાંધી જયંતિના રોજ સમાપ્ત થયો હતો. જો કે, આ આખી ઘટનાને કારણે સેવા પખવાડાનો કાર્યક્રમ મજાક બનીને રહી ગયો હતો.

આ પણ વાંચો: ભાજપ ધારાસભ્યે કાર્યકર પર ગેંગરેપ કરાવી વાયરસનું ઈન્જેક્શન માર્યું