Dalit News: વર્ષ 2025ની વિદાય વેળાએ પણ દલિત સગીરા પર બળાત્કારની એક ઘટના બની છે. ઉત્તર પ્રદેશના અમેઠી જિલ્લાના ફુરસતગંજ પોલીસ સ્ટેશન વિસ્તારમાંથી બળાત્કારનો આ સનસનાટીભર્યો કિસ્સો પ્રકાશમાં આવ્યો છે. આરોપ છે કે તે જ ગામના એક યુવકે દલિત સગીરાને ટ્યુબવેલના રૂમમાં લઈ જઈને તેના પર બળાત્કાર કર્યો હતો.
આરોપીએ ધમકી આપી હતી કે જો તે કોઈને જાણ કરશે તો તેને મારી નાખશે. ગભરાયેલી છોકરીએ તેના પરિવારને તેની સાથે થે થયું તે જણાવ્યું હતું. એ પછી તેમણે પોલીસ ફરિયાદ નોંધાવી હતી.
આ પણ વાંચો: ADANI ફર્મ વિરુદ્ધ ચુકાદો આપનાર જજની એ જ દિવસે ટ્રાન્સફર!
આ મામલાની સંવેદનશીલતાને ધ્યાનમાં રાખીને, પોલીસે તાત્કાલિક કેસ નોંધી ઝડપથી કાર્યવાહી કરીને આરોપી યુવક શિવમ યાદવની ધરપકડ કરી હતી. પોલીસ અધિકારીઓએ જણાવ્યું કે છોકરીની મેડિકલ તપાસ બાદ આગળની કાર્યવાહી કરવામાં આવશે. દરમિયાન, પીડિતા અને તેનો પરિવાર ગભરાટમાં છે.
મામલો શું હતો?
તિલોઈ તાલુકા હેઠળના ફુરસતગંજ પોલીસ સ્ટેશન વિસ્તારના એક ગામની રહેવાસી ૧૩ વર્ષની દલિત છોકરી ૩૦ ડિસેમ્બરે મોડી રાત્રે સૂવા માટે તેના ઘરની બહાર ગઈ હતી. ગામની બહાર ટ્યુબવેલ પાસે ઉભેલા બાબુલાલ યાદવના પુત્ર શિવમ યાદવે તેને ટ્યુબવેલની ઉપરના રૂમમાં ખેંચી લીધી. ત્યારબાદ તેણે બળજબરીથી તેના પર બળાત્કાર ગુજાર્યો.
આ પણ વાંચો: 15 વર્ષની દલિત દીકરી પર ગેંગરેપ, મૃતદેહ પણ દાટી દેવાયો!
એ પછી આરોપીએ તેને ધમકી આપી કે, જો તેણે કોઈને આ બાબતની જાણ કરી, તો તેને મારી નાખશે. જેનાથી સગીરા ડરી ગઈ હતી. જો કે, છોકરી ગભરાઈને ઘરે પાછી ફરી અને તેના પરિવારને સમગ્ર ઘટનાની જાણ કરી હતી. તેની માતાએ આરોપીઓ સામે કાર્યવાહીની માંગણી કરતા ફુરસતગંજ પોલીસ સ્ટેશનમાં ફરિયાદ નોંધાવી છે.
પોલીસે આરોપી યુવકની ધરપકડ કરી
ઘટના અંગે તિલોઈ પોલીસ એરિયા ઓફિસર દિનેશ કુમાર મિશ્રાએ જણાવ્યું હતું કે, ઘટનાની ગંભીરતાને ધ્યાનમાં રાખીને પીડિતાના પરિવાર દ્વારા દાખલ કરાયેલી ફરિયાદના આધારે તાત્કાલિક અસરથી આઈપીસીની સંબંધિત કલમો હેઠળ કેસ નોંધવામાં આવ્યો છે. પોલીસ આરોપી યુવકની ધરપકડ કરવામાં અને જરૂરી કાનૂની કાર્યવાહી કરી રહી છે
આ પણ વાંચો: ‘કાર પાછી વાળો, દલિત થઈને અમારી સામેથી નીકળવું છે?’
