Dalit news: બહુજન સમાજ પાર્ટીના વડા અને ઉત્તર પ્રદેશના ભૂતપૂર્વ મુખ્યમંત્રી માયાવતીએ 6 ડિસેમ્બરના રોજ નોઈડામાં યોજાનારી તેમની વિશાળ જાહેર સભા અચાનક રદ કરી દીધી છે. ડૉ.આંબેડકરના 69મા મહાપરિનિર્વાણ દિવસ નિમિત્તે રાષ્ટ્રીય દલિત પ્રેરણા સ્થળ (નોઈડા) ખાતે રેલી યોજાવાની હતી, અને પશ્ચિમ ઉત્તર પ્રદેશ, દિલ્હી અને ઉત્તરાખંડના લાખો કાર્યકરો તેમાં હાજર રહેવાની અપેક્ષા હતી.
પૂર્વ મુખ્યમંત્રી અને બસપા સુપ્રીમો માયાવતીએ સોશિયલ મીડિયા પ્લેટફોર્મ X પર એક પોસ્ટમાં મૂકીને રેલી રદ કરવાની જાહેરાત કરી હતી. તેમણે રદ કરવાનું કારણ જનતાને થનારી અસુવિધાને ગણાવ્યું હતું. પોતાની લાંબી પોસ્ટમાં તેમણે કહ્યું હતું કે, “જ્યારે હું દલિત પ્રેરણા સ્થળની મુલાકાત લઉં છું ત્યારે VIP સુરક્ષાના નામે કરવામાં આવતી વિશાળ સરકારી વ્યવસ્થા સામાન્ય લોકો, મહિલાઓ, બાળકો અને વૃદ્ધોને ઘણી અસુવિધા પહોંચાડે છે. તેમને કલાકો સુધી રાહ જોવી પડે છે અને ધક્કામુક્કીનો પણ સામનો કરવો પડે છે.”
આ પણ વાંચો: માન્યવર કાંશીરામે કેવી રીતે શોષિત સમાજને શાસક બનાવ્યો?
સામાન્ય લોકોને મારા કારણે તકલીફ ન પડવી જોઈએઃ માયાવતી
માયાવતીએ વધુમાં કહ્યું હતું કે, “મારા કારણે મારા પોતાના લોકોને તકલીફ સહન કરવી પડે તે હું સહન કરી શકતી નથી. તેથી, હું આ વખતે હું પોતે દલિત પ્રેરણા સ્થળે નહીં. જાઉં.” બસપાના વડાએ કહ્યું કે તેઓ લખનૌમાં તેમના નિવાસસ્થાને બાબાસાહેબને વ્યક્તિગત રીતે શ્રદ્ધાંજલિ આપશે. તેમણે અન્ય લોકોને પણ અપીલ કરી હતી કે તેઓ કોઈપણ રાજકીય દેખાડા વિના શાંતિપૂર્ણ રીતે ડો.આંબેડકરને શ્રદ્ધાંજલિ આપે.
માયાવતીની રેલી અચાનક રદ થવાના સમાચાર સોશિયલ મીડિયા પર ફેલાતાં જ બસપાના કાર્યકરોમાં નિરાશાની લહેર ફેલાઈ ગઈ. નોઈડા અને ગાઝિયાબાદ તેમજ હાપુર અને મેરઠથી બસો બુક કરવામાં આવી હતી. ઘણા કાર્યકરોએ રેલીમાં હાજરી આપવા માટે રજા પણ લીધી હતી. પરંતુ થોડા જ સમયમાં વાતાવરણ બદલાઈ ગયું.
આ દરમિયાન, પાર્ટીના વોટ્સએપ ગ્રુપ પર એક સંદેશ વાયરલ થયો હતો. જેમાં લખ્યું હતું કે, બહેનજી ફરી એકવાર સાબિત કરી દીધું છે કે તેઓ ફક્ત અમારા નેતા જ નથી, પરંતુ એક મોટી બહેન જેવા પણ છે. તેમણે ક્યારેય પોતાના લોકો કરતાં પોતાને પ્રાથમિકતા આપી નથી.
આ પણ વાંચો: મારા માટે સગાસંબંધીઓ કરતા BSP મહત્વની: Mayawati
માયાવતીએ ભૂતકાળનો અનુભવ યાદ કર્યો
માયાવતીએ પણ તેમના નિવેદનમાં ભૂતકાળના દુ:ખને યાદ કર્યા. 2019 માં, દિલ્હીના રામલીલા મેદાનમાં એક રેલી દરમિયાન તેમની સુરક્ષા માટે તૈનાત ભારે પોલીસ દળને કારણે હજારો લોકો કલાકો સુધી ગેટ પર ફસાયેલા રહ્યા હતા. જેના કારણે ઘણી મહિલાઓ અને બાળકો બેભાન થઈ ગયા હતા. તે ઘટનાનો ઉલ્લેખ કરતા માયાવતીએ કહ્યું, “જો મારા કારણે એક પણ બહુજનને મુશ્કેલીનો સામનો કરવો પડે છે, તો હું રેલીમાં હાજરી આપવા કરતાં ઘરે રહેવાનું પસંદ કરીશ.”
માયાવતીની રેલી રદ થયા પછી, પાર્ટીના કાર્યકરો વ્યક્તિગત રીતે નોઈડામાં રાષ્ટ્રીય દલિત પ્રેરણા સ્થળની મુલાકાત લઈને શ્રદ્ધાંજલિ આપશે. વધુમાં, સમગ્ર ઉત્તર પ્રદેશમાં જિલ્લા સ્તરે નાના શાંતિપૂર્ણ કાર્યક્રમો યોજાશે.
આ પણ વાંચો: દલિતોના અચ્છે દિન માટે રાજકીય સત્તા એકમાત્ર રસ્તો: mayawati
રાજકીય વર્તુળોમાં, આને માયાવતીનો માસ્ટરસ્ટ્રોક કહેવામાં આવી રહ્યો છે. એક તરફ, તેમણે જનતા પ્રત્યે પોતાની સંવેદનશીલતા દર્શાવી, તો બીજી તરફ, તેમણે વિપક્ષને અવાજ આપવાની એક પણ તક ગુમાવી નહીં. જોકે, 6 ડિસેમ્બરે, નોઈડાના રસ્તાઓ પર વાદળી ઝંડા લહેરાશે, પરંતુ લાખો આંખો જે ચહેરો જોવા માટે ઝંખતી હતી અને તે હશે આર્યન લેડી બહેન કુમારી માયાવતી.
આ પણ વાંચો: ભાજપ-કોંગ્રેસ બંને અનામત વિરોધી છે, વિશ્વાસ ન કરશોઃ Mayawati
