દુશ્મનાવટમાં સવર્ણ શખ્સે દલિત બાળક પર ટ્રેક્ટર ચડાવી દીધું

Kasganj News: જાતિવાદી તત્વો જ્યારે દલિતો સાથે કોઈ બાબતે વાંકુ પડે ત્યારે તેનો બદલો લેવા માટે નિર્દોષ બાળકોનો પણ વિચાર કરતા નથી. એવી અનેક ઘટનાઓ બને છે જેમાં દલિતો સાથે જૂની અદાવતમાં તેમના બાળકોનો ભોગ લેવાયો હોય. આવી જ એક ઘટના જાતિવાદના એપીસેન્ટર ઉત્તરપ્રદેશ (Uttar Pradesh) ના કાસગંજ (Kasganj) માં બની છે. અહીં જૂની દુશ્મનાવટને કારણે, એક જાતિવાદી શખ્સે સાત વર્ષના દલિત બાળક (Dalit child) પર ટ્રેક્ટર ચઢાવી તેને કચડી નાખ્યું (runs over with tractor-trolley) હતું.

ઘટના બાદ આરોપી ડ્રાઈવર ટ્રેક્ટર-ટ્રોલી છોડીને ભાગી ગયો હતો. પરિવારના સભ્યોની ફરિયાદ પર પોલીસે કેસ નોંધીને મૃતદેહને પોસ્ટમોર્ટમ માટે મોકલી આપ્યો છે અને આરોપીની શોધ શરૂ કરી દેવામાં આવી છે.
દલિત પરિવાર સાથે ગાળાગાળી કરી ટ્રેક્ટર ચઢાવી દીધું.

#Uttarpradesh ના #kasganj માં ઠાકુર સમાજના માથાભારે શખ્સે દુશ્મનાવટ રાખી 7 વર્ષના દલિત બાળક પર ટ્રેક્ટર ચઢાવી દીધું. બાળકનું મોત થયું છે પણ પોલીસ હજુ બરાબર કાર્યવાહી નથી કરી રહી. જાણો બાળકના વાલીની વેદના. @Bsp4u @kasganjpolice pic.twitter.com/hiHpSvj83J

— khabar Antar (@Khabarantar01) February 18, 2025

લક્ષ્મી નગર (Laxminagar village) ગામના રહેવાસી દલિત સમાજમાંથી આવતા હરિશ્ચંદ્રએ અમનપુર પોલીસ સ્ટેશન (Amanpur police station) માં આપેલી ફરિયાદમાં જણાવ્યું હતું કે તેનો તે જ ગામના કથિત સવર્ણ જાતિના હેમચંદ્ર સિંહના પુત્ર ધર્મેન્દ્ર સાથે વિવાદ ચાલી રહ્યો હતો. રવિવારે બપોરે 1 વાગ્યે ધર્મેન્દ્રએ ગાળાગાળી કરી અને જાતિવાદી અપશબ્દોનો ઉપયોગ કરીને હરિશ્ચંદ્રને ધમકી આપી કે તે આજે તમને એકેયને છોડવાના નથી. એ પછી, તે સીધો પોતાના ટ્રેક્ટર પર બેસી ગયો હતો અને ટ્રેક્ટર-ટ્રોલી માસૂમ અર્પિત પર ચડાવી દીધી હતી. જેના કારણે બાળક ગંભીર રીતે ઘાયલ થયો.

હોસ્પિટલમાં ડોક્ટરોએ બાળકને મૃત જાહેર કર્યું

પરિવારજનો તાત્કાલિક તેમને સારવાર માટે અમનપુર સીએચસી લઈ ગયા, પરંતુ ત્યાં તપાસ કર્યા બાદ ડોક્ટરોએ તેમને મૃત જાહેર કર્યું હતું. અકસ્માત બાદ આરોપી હેમચંદ્ર સિંહ ટ્રેક્ટર-ટ્રોલીને ઘટનાસ્થળે છોડીને ભાગી ગયો હતો. પોલીસે ટ્રેક્ટર-ટ્રોલી કબજે કરી છે અને આરોપીની શોધખોળ શરૂ કરી છે. બીજી તરફ દલિત પરિવાર પોતાના નિર્દોષ બાળકના મૃતદેહ સાથે પોલીસ સ્ટેશન પહોંચ્યો હતો અને આરોપીઓ સામે કાર્યવાહીની માંગ કરી હતી. ઘટના બાદ મૃતકના પરિવારમાં અરેરાટી વ્યાપી ગઈ છે.

बीजेपी सरकार में दलितों को नहीं मिल रहा न्याय दलित समाज के 7 वर्षीय बच्चे की मौत घटना अति निंदनीय @kasganjpolice कार्यवाही करे pic.twitter.com/vYpRXwLmDC

— बहुजन समाज पार्टी जनपद – कासगंज (@BSP_KASGANJ) February 16, 2025

સમગ્ર મામલે એસએચઓ ચંચલ સિરોહીએ જણાવ્યું હતું કે, બાળકના પરિવારના સભ્યોની ફરિયાદના આધારે કેસ નોંધવામાં આવ્યો છે. મૃતદેહને પોસ્ટમોર્ટમ માટે મોકલી દેવામાં આવ્યો છે. પોલીસે ટ્રેક્ટર-ટ્રોલી કબજે કરી લીધી છે અને ફરાર આરોપી હેમચંદ્ર સિંહની શોધખોળ ચાલુ છે.

આ પણ વાંચો: ‘તું દલિત થઈને મોંઘી બાઈક ચલાવે છે?’ કહી દલિત યુવકના હાથ ભાંગી નાખ્યા