મહિલાઓનું જાતીય શોષણ કરી આરોપીએ શિવનો વેશ ધારણ કરી લીધો

ધર્મની આડમાં ગુનેગારો કેવી રીતે પોતાના કુકર્મોને છુપાવીને લોકોની આસ્થા સાથે રમત કરતા હોય છે તેની આ વાત છે. ઉત્તરાખંડના હરિદ્વારમાં એક ચોંકાવનારો કિસ્સો પ્રકાશમાં આવ્યો છે. અહીં પોલીસે ઓપરેશન કલાનેમી હેઠળ મોટી સફળતા મેળવી છે. પોલીસે એક બળાત્કારીને પકડી પાડ્યો છે. આરોપી શીવજીનો વેશ ધારણ કરી કપાળમાં ત્રિપુંડ, ગળામાં માળા અને હાથમાં ત્રિશૂળ પહેરીને ફરતો હતો અને પોતાને ભગવાન શિવનું સ્વરૂપ ગણાવીને લોકોની શ્રદ્ધા સાથે રમત કરતો હતો. એટલું જ નહીં, આરોપી મહિલાઓની શ્રદ્ધાનો ખોટો લાભ લઈને બળાત્કાર કરતો હતો. તે લોકોની શ્રદ્ધાનો લાભ લઈને તેમની શ્રદ્ધાનો લાભ ઉઠાવીને છેતરતો હતો. એટલું જ નહીં, પોતાની વાસ્તવિક ઓળખ છુપાવવા માટે તેણે પોતાના માથા પર કૃત્રિમ ચંદ્ર પણ પહેર્યો હતો.

આ પણ વાંચો: દલિત રિક્ષાચાલકે સાઈડ ન આપતા રસ્તો રોકી હત્યા કરી દેવાઈ

બળાત્કારી શીવનું રૂપ ધારણ કરીને ફરતો હતો

આરોપીનું નામ દીપક સૈની હોવાનું કહેવાય છે, જે જ્વાલાપુરના સુભાષ નગરનો રહેવાસી છે. મળતી માહિતી મુજબ તે એક બાળકી પર બળાત્કાર કર્યા પછી ધરપકડથી બચવા માટે શીવનો વેશ ધારણ કરીને ફરતો હતો. પોલીસના જણાવ્યા અનુસાર તે હરિદ્વાર અને અન્ય ધાર્મિક સ્થળોએ ફરતો રહેતો હતો. તપાસમાં બહાર આવ્યું છે કે તેનો લાંબો ગુનાઈત ઇતિહાસ છે.

हरिद्वार में नाबालिग बच्ची से रेप करके भागा दीपक सैनी भगवान शिव के वेश में पकड़ा गया।

आरोपी ने बताया– “मैं खुद को परमज्ञानी एवं त्रिकालदर्शी शिवभक्त बताकर महिलाओं, बच्चियों को बहला फुसलाकर गलत काम करता था”

पुलिस इस दरिंदे की शिकार बनी और पीड़िताओं को भी तलाश रही है। pic.twitter.com/f4dvNSjKkr

— Sachin Gupta (@SachinGuptaUP) August 8, 2025

આરોપી પોતાને શિવનું સ્વરૂપ કહેતો હતો

હરિદ્વારની શ્યામપુર પોલીસે ઝડપી પાડેલા આ આરોપી પર એક સગીરાનું જાતીય શોષણ કરવાનો પણ આરોપ છે. આરોપી ઘણા દિવસથી ફરાર હતો, પોલીસે તેને ચંડી ઘાટ પુલ નજીકથી ધરપકડ કરી હતી. આરોપી લોકોને પોતે ત્રિકાળદર્શી અને ભગવાન શિવનું સ્વરૂપ હોવાનું કહીને છેતરતો હતો. સાથે જ મહિલાઓની આસ્થાનો લાભ ઉઠાવીને તેમનું શોષણ કરતો હતો. હવે પોલીસે તેની લંપટલીલાનો ભાંડો ફોડી નાખ્યો છે.

આ પણ વાંચો: હરિદ્વારના મનસા દેવી મંદિરમાં ભાગદોડ, 6 ભક્તોના મોત