ધોરાજી પાલિકાના મહિલા પ્રમુખનું 13 દિવસમાં રાજીનામું

માત્ર તેર દિવસમાં બે મોટા વિવાદમાં આવ્યા બાદ પ્રદેશ ભાજપ સંગઠનના આદેશથી સંગીતા બારોટે(Sangeeta Barot) તેમણે મજબૂરીમાં રાજીનામું આપ્યું છે. પ્રમુખ બન્યા ત્યારથી જ સંગીતા બારોટ સોશિયલ મીડિયામાં ચર્ચામાં આવ્યા હતા. જો કે ધોરાજી નગરપાલિકાના નવા પ્રમુખ કોણ બનશે તેને લઈને પણ ચર્ચાઓ શરૂ થઈ ગઈ છે. સંગીતાબેને પોતે પારિવારીક કારણોસર રાજીનામું આપ્યાનું જણાવ્યું છે પણ અસલ કારણ જુદું હોવાનું સૂત્રો જણાવે છે.

પાટીલની શરમ:-
આ મહિલા સંગીતા બારોટ ધોરાજી નગરપાલિકાના ભાજપના પ્રમુખ છે. જે દારુની બોટલ બતાવે છે. હુક્કો પીવે છે. ચલણી નોટોનું બંડલ બતાવે છે. ચંદ્રકાંત પાટીલ, અમિત શાહ અને નરેન્દ્ર મોદીનો આ અસલી પક્ષ છે. કેશુભાઈનો ભાજપ સંકેલી લેવાયો છે. pic.twitter.com/tnfmSwC8Ae

— Dilip Patel દિલીપ પટેલ (@dmpatel1961) March 6, 2025

જો કે, રાજીનામાં મુદ્દે સંગીતા બારોટે મીડિયાને કહ્યું કે, ‘મેં મારી સ્વેચ્છાએ રાજીનામું આપ્યું છે. કોઈનો કંઈ વાંક નથી. હું પક્ષ સાથે જોડાયેલી જ છું અને નગરપાલિકાનું કોઈપણ કામ હશે તો હું સાથે રહીને કામ કરીશ. મારા સમાજિક કામના કારણે મેં રાજીનામું આપ્યું છે. નગરપાલિકામાં મારી શક્તિ કરતાં વધુ કામ હોવાના કારણે મેં રાજીનામું આપ્યું છે. મને પક્ષ કે સંઘ દ્વારા કોઈ દબાણ કરવામાં નથી આવ્યું. પક્ષ અને સંઘ મારી સાથે જ છે.’

પીએમને સીએમ ગણાવ્યા, બિયર સાથેના ફોટાં વાયરલ

13 દિવસ પહેલા ધોરાજી નગરપાલિકાના નવા પ્રમુખ બનતા સંગીતાબેન બારોટ(Sangeeta Barot)ની જીભ લપસી હતી અને તેઓએ પીએમ મોદીને મુખ્યમંત્રી તરીકે સંબોધ્યા હતા. સંગીતાબેન બારોટે દેશના પીએમ મોદીને મુખ્યમંત્રી તરીકે સંબોધતા તેનો વીડિયો વાયરલ થયો હતો. જોકે પાસે ઉભેલા લોકએ ભૂલ સુધારી હતી. પરંતુ નગરપાલિકાના પ્રમુખ તરીકે વરણી કરવામાં આવી હોવા છતા પીએમ અને સીએમના પદ કે નામમાં તેઓ ભરાયા હતા.સંગીતાબેન બારોટનો બીયર તેમજ હુક્કો ફૂંકતો વીડિયોઅગાઉ પણ સંગીતાબેન બારોટના વીડિયો ઘણી વખત વાયરલ થઇ ચૂક્યા છે. ચૂંટણી સમયે સંગીતાબેન બારોટનો બીયર તેમજ હુક્કો ફૂંકતો વીડિયો સોશિયલ મીડિયામાં વાયરલ થયો હતો.