Dalit News: દેશભરમાં દલિતો પર અત્યાચાર, હત્યા, બળાત્કારની ઘટનાઓ જાણે રોજિંદી બની ગઈ હોય તેવી સ્થિતિ છે. આવી જ એક ઘટના યુપીના મેરઠમાંથી સામે આવી છે. જ્યાં એક રાજપૂત યુવક એક દલિત મહિલાની હત્યા કર્યા બાદ તેની પુત્રીને ઉપાડી ગયો હતો. આ ઘટનાને લઈને ગામમાં ભારે તણાવનો માહોલ છે. આરોપી એ જ ગામનો રહેવાસી હોવાથી રાજપૂતો અને દલિતો વચ્ચે તંગદિલી ફેલાઈ છે. જો કે, દલિતોમાં પોલીસની ઢીલી કામગીરીને લઈને ભારે રોષ છે.
ઘટના મેરઠના સરધના પોલીસ સ્ટેશન વિસ્તારની છે. જ્યાં એક રાજપૂત યુવક પર દલિત મહિલાની હત્યા કર્યા બાદ તેની પુત્રીનું અપહરણ કરવાનો આરોપ છે. આ ઘટનાથી ગામમાં તણાવ સર્જાયો છે. પોલીસે સુરક્ષા ખાતર પોલીત દળો તૈનાત કર્યા છે. ઘટના પછી, જ્યારે મહિલાના મૃતદેહને લઈ જતી એમ્બ્યુલન્સ ગામમાં પહોંચી, ત્યારે ગુસ્સે ભરાયેલા ગ્રામજનોએ તેમાં તોડફોડ કરી. પોલીસ મૃતદેહને પોસ્ટમોર્ટમ માટે મોકલવા માંગતી હતી, પરંતુ પરિવાર અને ગ્રામજનોએ તેને સ્વીકારવાનો ઇનકાર કર્યો હતો.
આરોપી અને પીડિતાનો પરિવાર એક જ ગામના છે
આરોપી અને પીડિતાનો પરિવાર એક જ ગામના રહેવાસી હોવાનું કહેવાય છે. પોલીસે આરોપીના દાદા-દાદી અને આરોપીઓની અટકાયત કરી છે અને તેમની પૂછપરછ શરૂ કરી છે, જ્યારે આરોપીના માતા-પિતા અને ભાઈ ઘટના બાદથી ફરાર છે.
આ પણ વાંચો: બે દલિત બાળકોની બલિ ચઢાવી દેનાર તાંત્રિક આઝાદ ફરે છે
સપા ધારાસભ્ય અને કોંગ્રેસે મુદ્દો ઉઠાવ્યો
દરમિયાન આ મામલે રાજકારણ પણ ગરમાયું છે. સપા ધારાસભ્ય અતુલ પ્રધાને હોસ્પિટલની મુલાકાત લીધી હતી અને પીડિત પરિવાર સાથે વાતચીત કરી હતી અને તેમને ન્યાયની ખાતરી આપી હતી. દરમિયાન, કોંગ્રેસે કાયદો અને વ્યવસ્થા અંગે પણ પ્રશ્નો ઉઠાવ્યા હતા અને પીડિત પરિવાર માટે ન્યાયની માંગ કરી હતી.
મહિલા અને તેનો પરિવાર શું કરે છે?
આ ઘટના સરધાણા પોલીસ સ્ટેશન વિસ્તારમાં બની હતી. આ વિસ્તારના રહેવાસી સત્યેન્દ્ર કુમાર મજૂરી કરીને પોતાના પરિવારનું ગુજરાન ચલાવે છે. તેમની પત્ની સુનિતા, ત્રણ પુત્રો અને એક પુત્રી રૂબી છે. આર્થિક તંગીને કારણે રૂબીને લગભગ અઢી વર્ષ પહેલા અભ્યાસ છોડી દેવો પડ્યો હતો. પરિવાર તેના લગ્નની ચર્ચા કરી રહ્યો હતો. રૂબીનો મોટો ભાઈ બહાર કામ કરે છે, જ્યારે તેની પત્ની અને બે પુત્રીઓ ગામમાં રહે છે. બીજો ભાઈ તેના પરિવાર સાથે ગામમાં રહે છે. રૂબી ત્રીજો છે અને સૌથી નાનો ભાઈ અપરિણીત છે.
આ પણ વાંચો: રાજકોટમાં ભાજપ નેતાની સ્કૂલની બેદરકારીમાં વિદ્યાર્થી ડૂબી ગયો
આરોપીએ કુહાથી માતા-પુત્રી પર હુમલો કર્યો
પરિવારના સભ્યોના જણાવ્યા મુજબ, મંગળવારે સવારે 8 વાગ્યાની આસપાસ સુનિતા તેની પુત્રી રૂબી સાથે ખેતરમાં જઈ રહી હતી. રસ્તામાં પહેલેથી જ હાજર આરોપી રાજપૂત યુવકે તેમને રોક્યા અને દુર્વ્યવહાર શરૂ કર્યો. સુનિતાએ તેનો સામનો કર્યો ત્યારે આરોપીએ તેની સાથે મારામારી શરૂ કરી દીધી અને કુહાડીથી તેના માથા પર હુમલો કર્યો. ત્યારબાદ તે તેની દીકરીને બળજબરીથી બાઇક પર બેસાડીને ઉપાડી ગયો હતો.
મહિલાનું હોસ્પિટલમાં મૃત્યુ થયું
જ્યારે મહિલાએ બચાવવા માટે રાડો પાડવાનું શરૂ કર્યું ત્યારે નજીકના લોકો ઘટનાસ્થળે દોડી આવ્યા, અને ગંભીર રીતે ઘાયલ સુનિતાને મોદીપુરમની SDS ગ્લોબલ હોસ્પિટલમાં લઈ જવામાં આવી. માથામાં ગંભીર ઈજાને કારણે ડોકટરો તેના પર ઓપરેશન કરવાની તૈયારી કરી રહ્યા હતા, પરંતુ સારવાર દરમિયાન તેનું મૃત્યુ થયું.
આ પણ વાંચો: આંબેડકર હોલની દિવાલ તોડી જાતિવાદીઓએ અંદર દુકાનો બનાવી!
મૃત્યુ પહેલાં સુનિતાએ જણાવ્યું હતું કે હુમલો થયા પછી તે ઘટનાસ્થળે જ પડી ગઈ હતી, અને આરોપી તેની પુત્રીને બળજબરીથી ઉપાડી ગયો હતો. હોસ્પિટલના મેનેજર મનોજે જણાવ્યું હતું કે મહિલાની હાલત અત્યંત નાજુક હતી. ઓપરેશન થાય તે પહેલાં જ તેનું મૃત્યુ થયું. તેનું બ્લડ પ્રેશર સતત ઘટી રહ્યું હતું, અને તેની સ્થિતિ સ્થિર થઈ રહી ન હતી.
આરોપી યુવક પારસ રાજપૂત ગામનો જ રહેવાસી
આરોપીની ઓળખ પારસ તરીકે થઈ છે, જે ગામમાં એક ડોક્ટર પાસે કમ્પાઉન્ડર તરીકે કામ કરે છે. એવું કહેવામાં આવી રહ્યું છે કે આરોપી અને છોકરી એકબીજાને ઓળખતા હતા. પોલીસના જણાવ્યા અનુસાર, પારસ ત્રણ ભાઈઓમાં સૌથી નાનો છે. ઘટના બાદથી તેના માતા-પિતા અને બે ભાઈઓ ફરાર છે. પોલીસ હાલમાં કેસની તપાસ કરી રહી છે અને અપહરણ કરાયેલી છોકરીની શોધ કરી રહી છે. આ ઘટનાએ ફરી એકવાર દલિતોની સુરક્ષાના મુદ્દે ચર્ચા છેડી દીધી છે. યોગી આદિત્યનાથના રાજમાં ગુંડાઓ બેફામ બની ગયા છે. ખાસ તો ચોક્કસ જાતિના લોકોને જાણે ગુનો કરવાનો ખૂલ્લું લાયસન્સ મળી ગયું હોય તેવી સ્થિતિ છે. જોવાનું એ રહેશે કે, આ કેસમાં પીડિતાને ન્યાય મળે છે કે કેમ.
આ પણ વાંચો: ‘સામે કેમ જુએ છે?’ કહી 5 શખ્સોએ Dalit યુવકને સળિયાથી માર્યો
