Ashwamit Gautam FIR: લખનઉના 14 વર્ષના દલિત ઈન્ફ્લુએન્સર અશ્વમિત ગૌતમ (Ashwamit Gautam FIR) સામે એફઆઈઆર નોંધાઈ છે. મીડિયા અહેવાલો અનુસાર, આ કાર્યવાહી તેની તાજેતરની સોશિયલ મીડિયા પોસ્ટ્સ અને વીડિયોના કારણે થઈ છે, જેમાં તેણે સરકારી નીતિઓ અને સામાજિક-આર્થિક મુદ્દાઓ પરના નિવેદન સાથે જોડાયેલી છે. જો કે, FIR ની કલમો અને ફરિયાદકર્તાની ઓળખ હજુ સુધી સત્તાવાર રીતે જાહેર કરવામાં આવી નથી.
FIR શા માટે થઈ?
મીડિયા રિપોર્ટ મુજબ, લખનૌ પોલીસે અશ્વમિતની સોશિયલ મીડિયા પ્રવૃત્તિઓ અંગે આ કાર્યવાહી કરી છે. એવું કહેવામાં આવી રહ્યું છે કે તેની કેટલીક સામગ્રીને સરકાર પ્રત્યે ટીકાત્મક અને ઉશ્કેરણીજનક માનવામાં આવી હતી. આ કાર્યવાહી બાદ ડિજિટલ અધિકાર એક્ટિવિસ્ટ અને નાગરિક સમાજના ઘણા સભ્યો તેમના સમર્થનમાં બહાર આવ્યા છે. તેમનું કહેવું છે કે અશ્વમિત અભિવ્યક્તિની સ્વતંત્રતાના તેના બંધારણીય અધિકારનો ઉપયોગ કરી રહ્યો છે, જ્યારે ટીકાકારો દલીલ કરે છે કે તેની ભાષા અને સ્વર સામાજિક સૌહાર્દને અસર કરી શકે છે.
આ પણ વાંચો: મોદીરાજમાં ED એ 6444 કેસ નોંધ્યા, સજા માત્ર 56માં થઈ!
પ્રબુદ્ધ નાગરિકો અને ડિજિટલ અધિકાર એક્ટિવિસ્ટો દ્વારા આ પગલાની ટીકા કરવામાં આવી છે. સમર્થકો દલીલ કરે છે કે અશ્વમિત અભિવ્યક્તિની સ્વતંત્રતાના તેના બંધારણીય અધિકારનો ઉપયોગ કરી રહ્યો છે, જ્યારે તેના ટીકાકારો તેના અમુક વીડિયોને ભડકાવનારા ગણાવી રહ્યા છે.
કોણ છે Ashwamit Gautam?
અશ્વમિત ગૌતમ લખનૌનો 14 વર્ષનો સોશિયલ મીડિયા ઈન્ફ્લુએન્સર છે, જે પોતાને “સામાન્ય માણસ” નો અવાજ ગણાવે છે. તે ન તો પત્રકાર છે કે ન તો કોઈ રાજકીય પક્ષ સાથે જોડાયેલો છે, પરંતુ વર્તમાન મુદ્દાઓ પર સીધી અને અભૂતપૂર્વ રીતે ચર્ચા કરે છે. તેના વીડિયો ઘણીવાર સામાન્ય લોકો, ખાસ કરીને હાંસિયામાં ધકેલાઈ ગયેલા સમાજના લોકો દ્વારા સામનો કરવામાં આવતી સમસ્યાઓને ઉજાગર કરે છે.
14 वर्षीय अश्वमित गौतम फैक्ट के साथ वीडियो बना रहा है, एक वीडियो धार्मिक से जुड़ी थी जिसमें सरकार से कुछ सवाल थे। जिसके चलते एफआईआर हो गयी।
यह वीडियो पत्रकार साथियों के साथ हो रहे उत्पीड़न को लेकर बनाई है pic.twitter.com/6f62TecwUm
— Abhimanyu Singh Journalist (@Abhimanyu1305) January 16, 2026
આ પણ વાંચો: પ્રોપેગેન્ડા ફિલ્મોની ભીડ વચ્ચે ‘હોમબાઉન્ડ’ કેમ મહત્વની છે?
ઈન્સ્ટાગ્રામ પર 7 લાખથી વધુ ફોલોઅર્સ
અશ્વમિતની સૌથી મોટી હાજરી ઇન્સ્ટાગ્રામ પર છે, જ્યાં તેમના 700,000 થી વધુ ફોલોઅર્સ હોવાના અહેવાલ છે. તેના શોર્ટ્સ વીડિયો સામાન્ય રીતે એક સીધાસાદા સેટઅપમાં રેકોર્ડ કરવામાં આવે છે, તે તેના સાદા મોબાઈલ ફોનમાં વીડિયો રેકોર્ડ કરે છે. તે પોતાના વીડિયોમાં ફુગાવો અને જીવનનિર્વાહનો વધતો ખર્ચ, યુવાનો માટે રોજગારનો અભાવ, સામાજિક અસમાનતા અને દલિત સમાજને લગતા મુદ્દાઓ વિશે વાત કરે છે.
આ વિષયો સમજાવવાની તેની સરળ શૈલીએ અશ્વમિતને વાયરલ કરી દીધો છે. તેના વીડિયો સોશિયલ મીડિયામાં ફરી રહ્યા છે.
लखनऊ के रहने वाले 14 साल के दलित छात्र अश्वमित गौतम ने जब सरकार और उसके सिस्टम की पोल खोली, तो बताया जा रहा है कि यूपी की भाजपा सरकार ने उस पर केस दर्ज करने का आदेश दिया है. pic.twitter.com/XqLNPhbDsB
— Murari Lal Bharti (@MurariLalBharti) January 17, 2026
હવે આગળ શું થશે?
હાલમાં આ કેસ તપાસ હેઠળ છે. FIR ની કલમો અને કાનૂની પ્રક્રિયા આગામી દિવસોમાં સ્પષ્ટ થવાની અપેક્ષા છે. દરમિયાન, આ ઘટનાએ સગીરોની ડિજિટલ અભિવ્યક્તિ, સોશિયલ મીડિયાની મર્યાદાઓ અને વાણી સ્વાતંત્ર્ય પર એક નવી ચર્ચા જગાવી દીધી છે.
આ પણ વાંચો: ‘હું IAS છું, છતાં સવર્ણો અટક જોઈને મારી સાથે ભેદભાવ કરે છે!’
