આવતીકાલે માન્યવર કાંશીરામ સાહેબની જન્મજયંતિ છે ત્યારે યુપીમાં તમામ રાજકીય પક્ષો તેમનું નામ વટાવી ખાવા માટે ઉમટી પડ્યાં છે. માન્યવર કાંશીરામે ભાજપ, કોંગ્રેસના વિરોધમાં બીએસપીની સ્થાપના કરી હતી. પરંતુ આજે સ્થિતિ છે કે, એ જ ભાજપ, કોંગ્રેસની સાથે સમાજવાદી પાર્ટી, આઝાદ સમાજ પાર્ટી કાંશીરામ સહિત તમામ મુખ્ય રાજકીય પક્ષો માન્યવરને પોતાના ગણાવી રહ્યાં છે. કોંગ્રેસ નેતા રાહુલ ગાંધીએ તો માન્યવરને ભારત રત્ન આપવાની પણ વાત કરી. જેને લઈને બીએસપી સુપ્રીમો માયાવતીએ આકરી પ્રતિક્રિયા આપી છે.
બસપા સુપ્રીમો માયાવતીએ કોંગ્રેસ નેતા રાહુલ ગાંધી પર પ્રહારો કરતા કહ્યું કે, “જે કોંગ્રેસની દલિત વિરોધી વિચારસરણીને કારણે બસપાની રચના થઈ હતી, જેણે માન્યવર કાંશીરામના મૃત્યુ પર રાષ્ટ્રીય શોક જાહેર કર્યો ન હતો, તે હવે તેમને ભારત રત્ન આપવાની વાત કરી રહી છે. તેથી, આપણે આ કોંગ્રેસથી સાવધ રહેવાની જરૂર છે.”
ગઈકાલે શુક્રવારે કોંગ્રેસે માન્યવર કાંશીરામની જન્મજયંતિ પર પહેલીવાર લખનૌમાં એક કાર્યક્રમનું આયોજન કર્યું હતું. આ કાર્યક્રમમાં માન્યવર કાંશીરામ માટે ભારત રત્નની માંગણી કરતો ઠરાવ પસાર કરવામાં આવ્યો હતો. રાહુલ ગાંધી દ્વારા સંસદમાં આ માંગ ઉઠાવવાનો નિર્ણય લેવામાં આવ્યો છે.
આ પણ વાંચો: BSP એ કેડર મીટિંગમાં આર્થિક સહાય લેવાની પ્રથા કેમ બંધ કરી?
આ કાર્યક્રમમાં રાહુલ ગાંધીએ કહ્યું, “કાંશીરામ સમાજમાં સમાનતાની વાત કરતા હતા. જો જવાહરલાલ નેહરુ જીવતા હોત, તો કાંશીરામ કોંગ્રેસના મુખ્યમંત્રી હોત. પરંતુ આજે, ભાજપે સમાજને 15% અને 85% માં વહેંચી દીધો છે. ફક્ત 15% લોકોને ફાયદો થઈ રહ્યો છે, જ્યારે બાકીના 50% હાંસિયામાં ધકેલાઈ ગયા છે.”
કોંગ્રેસે ક્યારેય બાબા સાહેબનું સન્માન કર્યું નથી
માયાવતીએ X પર લખ્યું – ‘બધા જાણે છે કે કોંગ્રેસ પાર્ટી લાંબા સમય સુધી કેન્દ્રમાં સત્તામાં હતી, પરંતુ તેણે ક્યારેય દલિતોના મસીહા અને ભારતીય બંધારણના ઘડવૈયા બાબા સાહેબ ડૉ. ભીમરાવ આંબેડકરનું સન્માન કર્યું નહોતું, કે તેમને ભારત રત્નથી સન્માનિત કર્યા નહીં. ત્યારે સવાલ એ ઉભો થાય કે, કોંગ્રેસ હવે કાંશીરામને ભારત રત્ન કેવી રીતે આપશે?’
માયાવતીએ કહ્યું કે, “કોંગ્રેસ સરકારે કાંશીરામના મૃત્યુ પર એક પણ દિવસનો રાષ્ટ્રીય શોક જાહેર કર્યો ન હતો. તે સમયે સમાજવાદી પાર્ટી ઉત્તર પ્રદેશમાં સત્તામાં હતી, અને તેણે રાજ્ય શોકની પણ જાહેરાત કરી ન હતી. તેવી જ રીતે, અન્ય પક્ષોના પ્રભાવ હેઠળ રચાયેલા ઘણા દલિત સંગઠનો અને પક્ષો તેમના નામથી રાજકીય લાભ મેળવવાનો પ્રયાસ કરી રહ્યા છે. આજે, વિવિધ પક્ષો બસપાને નબળા પાડવા માટે વિવિધ યુક્તિઓનો ઉપયોગ કરી રહ્યા છે.”
આ પણ વાંચો: પોલીસે BSP નેતાને છત પરથી ફેંકી દેતા મોત? SC-ST act નો કેસ થયો
કોંગ્રેસથી સાવધ રહેવાની જરૂર છેઃ માયાવતી
બસપા સુપ્રીમોએ કહ્યું, “આપણે કોંગ્રેસ પાર્ટીથી સાવધ રહેવાની જરૂર છે, કારણ કે તેની દલિત વિરોધી વિચારસરણીને કારણે બસપાની રચના થઈ હતી. હું કાર્યકરોને અપીલ કરું છું કે 15 માર્ચ, 2026 ના રોજ માન્યવર કાંશીરામની જન્મજયંતિ પર આયોજિત કાર્યક્રમોને ઉત્તર પ્રદેશ અને સમગ્ર દેશમાં સફળ બનાવો.”
બસપા સુપ્રીમોએ કહ્યું, “કાંશીરામે ડૉ. ભીમરાવ આંબેડકરના વિચારોને આગળ ધપાવ્યા. તેમણે દલિત સમાજને સંગઠિત કર્યો અને તેમને રાજકારણમાં શક્તિશાળી બનાવ્યા. આજે, કોંગ્રેસ અને સમાજવાદી પાર્ટી પોતાના રાજકીય લાભ માટે કાંશીરામને યાદ કરી રહી છે. આ તકવાદ છે. વાસ્તવિકતા એ છે કે જાતિવાદી વિચારસરણી અને ભેદભાવનું રાજકારણ આજે પણ ચાલુ છે.
14-03-2026-BSP PRESS NOTE-RAHUL-MANYAWAR SHRI KANSHI RAM JI pic.twitter.com/4Aa5Eyt7S7
— Mayawati (@Mayawati) March 14, 2026
દલિતો અને પછાત વર્ગો માટે અનામતના નિયમો નબળા પડી રહ્યા છે, શોષણની વ્યવસ્થાને વધુ મજબૂત બનાવી રહ્યા છે. આવી સ્થિતિમાં, બહુજન સમાજ આ પક્ષો અને તેમના નેતાઓ પર કેવી રીતે વિશ્વાસ કરી શકે છે તે એક મોટો પ્રશ્ન છે. તેથી, બધાની વાત સાંભળો, પરંતુ કોઈ પણ સંજોગોમાં તમારી એકતા અને તમારા મતની શક્તિ સ્વાર્થી નેતાઓના હાથમાં ન આવવા દો. એ જ બાબા સાહેબ અને કાંશીરામના સંઘર્ષને સાચી શ્રદ્ધાંજલિ હશે.
આ પણ વાંચો: ગુજરાત BSP નેતાની માતાનું અવસાન થયું, છતાં પક્ષનું કામ ન છોડ્યું
કોંગ્રેસ જ્યાં પણ સત્તામાં હોય ત્યાં દલિતોને ક્રીમ પોસ્ટ આપે
જેએનયુ ખાતે પ્રોફેસર વિવેક કુમારે કહ્યું કે કોંગ્રેસ આ દેશમાં 70 વર્ષથી વધુ સમયથી સત્તામાં હતી, પરંતુ તેણે ક્યારેય દલિતોને યાદ કર્યા નહીં. હવે, જ્યારે તેઓ સત્તાની બહાર છે, ત્યારે તેઓ દલિત મહાપુરુષોને યાદ કરવાનો ડોળ કરી રહ્યા છે. કોંગ્રેસે ક્યારેય પાર્ટીમાં કોઈ દલિતને પ્રોત્સાહન કેમ આપ્યું નહીં? ડૉ. આંબેડકરને કોંગ્રેસ કેમ છોડવી પડી? તેમના શાસનમાં દલિતોની સ્થિતિમાં કેમ સુધારો થયો નહીં? કાંશીરામને દલિતો માટે અલગ પાર્ટી કેમ બનાવવી પડી? કોંગ્રેસ જ્યાં પણ સત્તામાં છે, ત્યાં તે દલિતોને ક્રીમ પોસ્ટ્સ કેમ નથી આપી રહી? સત્ય એ છે કે તેમના માટે, દલિતો ફક્ત એક વોટ બેંક છે. કોંગ્રેસ દલિતોનો ઉપયોગ સત્તા માટે સીડી તરીકે કરી શકે છે, પરંતુ તેમને ક્યારેય સત્તાના સિંહાસન પર બેસાડશે નહીં.
યુપીમાં દલિત મતદારોની તાકાતને સમજો
યુપીમાં 2027માં વિધાનસભાની ચૂંટણી યોજાવાની છે. અહીં 21% દલિત મતદારો છે. રાજ્યની 403 વિધાનસભા બેઠકોમાંથી 84 અનામત બેઠકો અનુસૂચિત જાતિ માટે અનામત છે. વધુમાં, 40-50 બેઠકો એવી છે જ્યાં દલિત મતદારો 20% થી 30% છે. આનો અર્થ એ થયો કે રાજ્યની 130 બેઠકો પર દલિતો નિર્ણાયક પ્રભાવ ધરાવે છે.
1. जैसा कि सर्वविदित है कि कांग्रेस पार्टी ने काफी वर्षो तक केन्द्र की सत्ता में रहकर दलितों के मसीहा व भारतीय संविधान के मूल निर्माता परमपूज्य बाबा साहेब डा. भीमराव अम्बेडकर का कभी भी आदर-सम्मान नहीं किया और ना ही उनको ’भारतरत्न’ की उपाधि से भी सम्मानित किया। भला फिर यह पार्टी…
— Mayawati (@Mayawati) March 14, 2026
2022ની વિધાનસભા ચૂંટણીમાં, ભાજપ અને તેના સાથી પક્ષોએ 84 અનામત બેઠકોમાંથી 63 બેઠકો જીતી હતી. દરમિયાન, સમાજવાદી પાર્ટીએ 20 બેઠકો જીતી હતી. એક બેઠક રાજા ભૈયાની પાર્ટી જનસત્તા દળ લોકતાંત્રિકને મળી હતી. આ વખતે બીએસપી પોતાની તમામ તાકાત લગાવી સત્તામાં આવવા મથી રહી છે.
આ પણ વાંચો: Kanshi Ram : દલિત શક્તિનું રાજસત્તામાં રૂપાંતર કરનાર રાજનેતા
