Mayawati on BJP-Congress: કોંગ્રેસના અમદાવાદ અધિવેશનમાં દલિતો અને પછાત વર્ગોના અધિકારોની વાત કરનારા ઠરાવ પર રાજકીય તોફાન મચી ગયું છે. બસપા સુપ્રીમો માયાવતીએ તેને કોંગ્રેસની ‘છેતરપિંડી’ ગણાવી. તેમણે સ્પષ્ટપણે કહ્યું કે કોંગ્રેસ અને ભાજપ બંને અનામતની વિરુદ્ધ છે અને હવે ફક્ત વોટ બેંકની રાજનીતિના ભાગ રૂપે દલિતો અને પછાત વર્ગો વિશે વાત કરી રહ્યા છે.
આ પણ વાંચો: અનામતને સામાજિકને બદલે આર્થિક આધાર પર કરવાનો ખેલ ચાલી રહ્યો છે?
માયાવતીએ કોંગ્રેસના ઇતિહાસ પર નિશાન સાધતા કહ્યું, “ડૉ.આંબેડકરે બંધારણમાં કલમ 340 દ્વારા OBC અનામતની જોગવાઈ કરી હતી પરંતુ કોંગ્રેસે તેનો અમલ કર્યો નહીં. કોંગ્રેસના કારણે જ બાબા સાહેબને કાયદા મંત્રી પદ પરથી રાજીનામું આપવાની ફરજ પડી હતી. મંડળ કમિશન દ્વારા ઓબીસી અનામત લાગુ કરવામાં બસપાએ મહત્વપૂર્ણ ભૂમિકા ભજવી છે. કોંગ્રેસ હોય કે ભાજપ, બંને પક્ષોનું વલણ હંમેશા અનામત વિરોધી અને જાતિવાદી રહ્યું છે. હવે આ પક્ષો દલિતો અને પછાત વર્ગોના મત મેળવવા માટે છેતરપિંડી અને પ્રપંચનું રાજકારણ અપનાવી રહ્યા છે.”
માયાવતીએ સ્પષ્ટ શબ્દોમાં કહ્યું કે, “બાબા સાહેબને ભારતરત્ન આપવાથી લઈને તેમના અનુયાયીઓ સાથેના વર્તન સુધી, કોંગ્રેસ, ભાજપ અને સપાનો ઇતિહાસ બહુજન વિરોધી રહ્યો છે.”
રાજ્યપાલોની ભૂમિકા પર ચિંતા વ્યક્ત કરી
માયાવતીએ રાજભવનની કાર્યશૈલી પર પણ પ્રશ્નો ઉઠાવતા કહ્યું કે આજે રાજ્યપાલ રાજકીય દ્વેષની ભાવનાથી કામ કરી રહ્યા છે. તેમણે રાજ્યપાલોની મનસ્વીતાને રોકવાના સુપ્રીમ કોર્ટના નિર્ણયને “સ્વાગતયોગ્ય” ગણાવતા કહ્યું કે સુપ્રીમ કોર્ટનો આ નિર્ણય બંધારણ, લોકશાહી અને બાબા સાહેબના માનવતાવાદી વિચારોની મૂળ ભાવનાને મજબૂત બનાવશે.
BSP ની નજર 2027ની યુપી વિધાનસભા ચૂંટણી પર
૨૦૨૪ની લોકસભા ચૂંટણીના પરિણામો પછી, હવે તમામ પક્ષોની નજર ૨૦૨૭માં યોજાનારી યુપી વિધાનસભા ચૂંટણી અને ૨૦૨૯માં લોકસભાની તૈયારીઓ પર છે. આવી સ્થિતિમાં, બસપાની સક્રિયતા અને ખાસ કરીને માયાવતીનું આક્રમક વલણ બહુજન રાજકારણમાં એક નવા વળાંક તરફ ઈશારો કરી રહ્યું છે. માયાવતી રાજકીય મુદ્દાઓ પર સતત પ્રહારો કરી રહ્યાં છે. જેના કારણે પક્ષના કાર્યકરોમાં નવું જોમ પુરાયું છે.
આ પણ વાંચો: વી.એસ. હોસ્પિટલમાં MBBS ભણતી આદિવાસી દીકરીએ ગળેફાંસો ખાધો
Users Today : 2104