દેશમાં દલિતો અને આદિવાસીઓ પર વધી રહેલા હુમલાઓ અંગે કોંગ્રેસ અધ્યક્ષ મલ્લિકાર્જુન ખડગેએ વડા પ્રધાન નરેન્દ્ર મોદી પર નિશાન સાધ્યું છે. ખડગેએ કહ્યું કે દલિતો વિરુદ્ધના ગુનાઓમાં 46%નો વધારો થયો છે, જ્યારે આદિવાસીઓ વિરુદ્ધના ગુનાઓમાં 91%નો વધારો થયો છે. તેમણે કહ્યું કે આ આંકડાઓ સરકારના નેશનલ ક્રાઇમ રેકોર્ડ્સ બ્યુરો (NCRB) ના 2013 અને 2023 વચ્ચેના ડેટા પર આધારિત છે.
ખડગેએ સોશિયલ મીડિયા પ્લેટફોર્મ એક્સ પર લખ્યું, “NCRB ના રિપોર્ટ મુજબ, વર્ષ 2013 અને 2023 વચ્ચે દેશમાં દલિતો વિરુદ્ધના ગુનાઓમાં 46% નો વધારો થયો છે. આદિવાસીઓ વિરુદ્ધના ગુનાઓમાં 91% નો વધારો થયો છે.”
તેમણે લખ્યું, “હરિયાણામાં એક IPS અધિકારી સામે જાતિગત ભેદભાવ, હરિઓમ વાલ્મિકીની હત્યા, મુખ્ય ન્યાયાધીશ પર હુમલો અને તેને ન્યાયી ઠેરવવાનો ભાજપનો પ્રયાસ, અને ભાજપ શાસિત રાજસ્થાનના સવાઈ માધોપુર જિલ્લામાં એક વૃદ્ધ દલિત મહિલા કમલા દેવી રૈગર પર અત્યાચાર…”
આ પણ વાંચો: સેન્સરની કાતર જાતિવાદ ઉજાગર કરતી ફિલ્મો પર જ કેમ ચાલે છે?
કોંગ્રેસ પ્રમુખે કહ્યું, “આ બધી તાજેતરની ઘટનાઓ ફક્ત એકલ દોકલ ઘટનાઓ નથી, પરંતુ RSS-BJPની સામંતવાદી માનસિકતાનું ખતરનાક પ્રદર્શન છે. આ સિલસિલો ભારતના બંધારણ, સામાજિક ન્યાય અને સમાનતાના મૂળભૂત સિદ્ધાંતો પર સીધો હુમલો છે. દલિતો, પછાત વર્ગો, આદિવાસીઓ અને સમાજના વંચિત વર્ગોને ધાકધમકી અને દમનની આ રાજનીતિ લોકશાહી માટે ગંભીર ખતરો છે.”
.@narendramodi जी,
NCRB रिपोर्ट के अनुसार, 2013 से 2023 के बीच —
🔺 दलितों के खिलाफ़ अपराधों में 46% की बढ़ोतरी हुई है
🔺 आदिवासियों के खिलाफ़ 91% अपराध बढ़ें हैं।हरियाणा में IPS अधिकारी से जातिगत भेदभाव,
हरिओम वाल्मीकि की प्रताड़ना,
CJI पर हमला और उसको जायज़ ठहराने की… pic.twitter.com/3XKm8dCQCe— Mallikarjun Kharge (@kharge) October 10, 2025
મલ્લિકાર્જુન ખડગેએ કહ્યું, “ભારત બંધારણથી ચાલશે, કોઈ કટ્ટરપંથી વિચારધારાના ફરમાનો પ્રમાણે નહીં.” કોંગ્રેસ પ્રમુખે પીએમ મોદીને પૂછ્યું કે, દલિતો, આદિવાસીઓ, પછાત, લઘુમતી અને નબળા વર્ગો આના પરિણામો ભોગવી રહ્યા છે, અને તમે આ બધી બાબતો પ્રત્યે આંખો બંધ કરીને તમારા પોતાના તમાશામાં કેમ વ્યસ્ત છો?
આ પણ વાંચો: દેશની જેલોમાં બંધ 4.78 લાખ કેદીઓ પૈકી 3.15 લાખ SC-ST-OBC
