દલિત માતા બજારમાં શાકભાજી વેચતી હતી, પછી જે થયું તે રડાવી દેશે..

એક મા માટે તેના બાળકોની સફળતા કરતાં વધુ મહત્વનું કંઈ નથી હોતું. તો બાળકો માટે મુશ્કેલ સમયમાં તેમને વધુ સફળ બનાવનારી માતા જ હોય છે, જે તેમના માટે બધું હોય છે. મહારાષ્ટ્રના સિંધુદુર્ગ જિલ્લાના પિંગુલીમાંથી એક વીડિયો સામે આવ્યો છે, જેણે સોશિયલ મીડિયા પર સૌ કોઈના દિલને હર્ષના આંસુ રડાવ્યા છે. શાકભાજી વેચનાર માતા અને તેના પુત્રનું ભાવનાત્મક મિલન હવે વાયરલ થયું છે. ગોપાલ સાવંતની સીઆરપીએફમાં પસંદગી થઈ અને તેણે પોતાના જીવનના આ મોટા સમાચાર સીધા તેની માતાને આપ્યા અને તે પણ બજારના એ જ ફૂટપાથ પર, જ્યાં તેની માતા દરરોજ શાકભાજી વેચે છે.

જ્યારે ગોપાલ સાવંતને CRPFમાં પસંદગી પામ્યાની સફળતાના સમાચાર મળ્યાં, તો તેઓ કુડાલ બજાર પહોંચ્યા અને સૌથી પહેલા માતાના પગે પડ્યા અને આશીર્વાદ લીધા. પોતાના પુત્રની સફળતાના સમાચાર સાંભળ્યા પછી, જાણે તેમની માતાને બધું મળી ગયું હોય તેમ તેઓ રડી પડ્યાં અને તેના પુત્રને ગળે લગાવી લીધો.

આ પણ વાંચો: ‘આરોપી મુખ્યમંત્રીની જાતિનો છે એટલે કાર્યવાહી નથી થતી’

લોકોએ ભાવનાત્મક ક્ષણોને કેમેરામાં કેદ કરી

મહારાષ્ટ્રમાં જ્યારે ચૂંટણીની જીતનો ગુલાલ ઉડી રહ્યો હતો, તે જ સમયે ગોપાલ સાવંત તેની માતા સાથે CRPFમાં પસંદગીની ખુશી મનાવી રહ્યા હતા. વીડિયોમાં જોઈ શકાય છે કે ગુલાલમાં તરબોળ ગોપાલ સાવંત ફૂટપાથ પર શાકભાજી વેચતી તેની માતા તરફ આગળ વધે છે અને તેના પગ પર માથું મૂકે છે. દરમિયાન આ ખુશીના અવસર પર કેટલાક લોકો બંનેને ગુલાલથી રંગી દે છે. એ દરમિયાન માતા ભાવુક થઈને રડી પડે છે.

आज का सबसे खूबसूरत वीडियो:—

सब्जी बेच रही मां के पैरों गिरकर बेटे ने लिया आशीर्वाद। CRPF जवान बनने की दी खुशखबरी। भावुक करने वाला वीडियो हुआ सोशल मीडिया पर वायरल।#viral #crpf #crpfviral #crpfjawan #crpfrecruitment pic.twitter.com/Y2lBZnbQAT

— Paramilitary News(CAPF)🇮🇳 (@Paramilitary_in) January 19, 2026

સોશિયલ મીડિયા પર વીડિયો વાયરલ થયો

ગરીબી અને અભાવો વચ્ચે શાકભાજી વેચીને પુત્રને આ સ્તરે લાવનાર માતા-પુત્રના મિલનનો આ વીડિયો હવે સોશિયલ મીડિયા પર વાયરલ થઈ રહ્યો છે, જેને જોઈને દરેક લોકો આ નિઃસ્વાર્થ પ્રેમ અને મહેનતને નમન કરી રહ્યા છે. માતા-પુત્રના આ ભાવનાત્મક મિલન અને સખત મહેનતથી મળેલી આ સફળતાની ચર્ચા સમગ્ર જિલ્લામાં અને હવે રાજ્યમાં થઈ રહી છે

આ પણ વાંચો: મુંબઈના યુવકે રૂ. 1.5 કરોડની પેન બનાવી ડો.આંબેડકરને અર્પણ કરી