બહુજન સમાજ પાર્ટી (BSP)ના રાષ્ટ્રીય અધ્યક્ષ અને ઉત્તર પ્રદેશના પૂર્વ મુખ્યમંત્રી માયાવતી(mayawati)એ સામાજિક ન્યાય અને પરિવારવાદ મુક્ત રાજકારણની પોતાની પ્રતિબદ્ધતાને વધુ એક વાર સાબિત કરવા એક મોટો નિર્ણય લીધો છે. દેશના કરોડો દલિતો, શુદ્રો, આદિવાસીઓ અને વંચિતોના હકો માટે લડતી દેશની સૌથી મોટી અને વિશ્વસનીય પાર્ટી BSP ને મજબૂત કરવા માટે માયાવતીએ સ્પષ્ટ કર્યું છે કે પાર્ટીના હિત અને માન્યવર કાંશીરામજીના આદર્શોને જાળવી રાખવા માટે તેઓ કોઈ પણ ભોગે પરિવારવાદને પ્રોત્સાહન આપશે નહીં.
પરિવારવાદ મુક્ત રાજકારણની વિચારધારા
માયાવતીએ સોશિયલ મીડિયા પ્લેટફોર્મ ‘X’ પર એક વિશેષ સંદેશ શેર કરતા જણાવ્યું હતું કે BSP ના સંસ્થાપક માન્યવર કાંશીરામજીના સિદ્ધાંતો પર ચાલતા તેમણે હંમેશા પોતાના પરિવારના સભ્યોને રાજકીય પદોથી દૂર રાખ્યા છે. તેમણે સ્પષ્ટ કર્યું કે તેમના ભાઈ આનંદ કુમારજીને તેમણે માત્ર પોતાની સુરક્ષા અને અંગત દેખરેખ માટે સાથે રાખવા પડ્યા હતા. પરંતુ આ સેવાના બદલામાં તેમના પરિવારના સભ્યોને ચૂંટણીઓ લડાવવી કે મંત્રીપદો આપવા એ BSP ની સૈદ્ધાંતિક વિચારધારાની વિરુદ્ધ છે.
તેમણે એક મહત્વપૂર્ણ પ્રતિજ્ઞા લેતા આખરી નિર્ણય જાહેર કર્યો છે કે આનંદ કુમારના બંને પુત્રો – આકાશ અને ઈશાન આનંદને પાર્ટીમાં કોઈ પણ નાનું કે મોટું રાજકીય પદ આપવામાં આવશે નહીં. ઉલ્લેખનીય છે કે આકાશ આનંદને અગાઉ આપેલી તમામ જવાબદારીઓમાંથી મુક્ત કરી દેવામાં આવ્યા છે, જેથી પક્ષના સામાન્ય કાર્યકરોની મહેનત અને નિષ્ઠા જાળવી શકાય.
આ પણ વાંચોઃ ઉનાકાંડના દોષિતોને ગુજરાત સરકાર સજા અપાવેઃ માયાવતી
1. वैसे तो बहुजन समाज पार्टी (बी.एस.पी.) द्वारा पूरे देश भर में व ख़ासकर उत्तर प्रदेश में युवाओं को तरजीह देने की नीति के तहत जेन-जी को लगभग पचास प्रतिशत तक पार्टी संगठन में भागीदारी सुनिश्चित करने की प्रक्रिया काफी लम्बे समय से जारी है, किन्तु अब यूपी, उत्तराखण्ड एवं पंजाब…
— Mayawati (@Mayawati) September 12, 2026
દીપિકા આનંદને મોટી જવાબદારી સોંપી શકે
આનંદ કુમારના પુત્રો માટે રાજકીય દ્વાર બંધ કર્યા બાદ માયાવતીએ તેમની પુત્રી કુમારી દીપિકા આનંદ પર પૂર્ણ વિશ્વાસ વ્યક્ત કર્યો છે. વકીલાતનો અભ્યાસ કરી રહેલા દીપિકા આનંદ અત્યંત ઈમાનદાર, વફાદાર અને કાર્યક્ષમ છે. માયાવતીએ જણાવ્યું કે ભવિષ્યમાં જો તેમના પિતા આનંદ કુમારજીને પક્ષના કામકાજમાં મદદની જરૂર પડશે તો તેઓ માત્ર દીપિકા આનંદની મદદ લઈ શકશે.
આગામી સમયમાં આનંદ કુમાર પોતાની તમામ જવાબદારીઓ દીપિકા આનંદને સોંપી શકે છે. દીપિકા આનંદની સંગઠનાત્મક શક્તિ અને તેમની વફાદારીને ધ્યાનમાં રાખીને તેમને આ મહત્વની સંગઠનાત્મક જવાબદારી સોંપવાનો માર્ગ મોકળો રખાયો છે, જેનાથી બહુજન ચળવળને એક શિક્ષિત અને વૈચારિક રીતે મજબૂત યુવા નેતૃત્વ મળશે.
આ પણ વાંચોઃ આર્થિક આધાર પર અનામતની માંગ તદ્દન ગેરબંધારણીયઃ માયાવતી
1. वैसे तो बहुजन समाज पार्टी (बी.एस.पी.) द्वारा पूरे देश भर में व ख़ासकर उत्तर प्रदेश में युवाओं को तरजीह देने की नीति के तहत जेन-जी को लगभग पचास प्रतिशत तक पार्टी संगठन में भागीदारी सुनिश्चित करने की प्रक्रिया काफी लम्बे समय से जारी है, किन्तु अब यूपी, उत्तराखण्ड एवं पंजाब…
— Mayawati (@Mayawati) September 12, 2026
Gen-Z અને યુવા વર્ગને રાજકારણમાં પ્રાથમિકતા અપાશે
ઉત્તર પ્રદેશમાં આવનારી વિધાનસભા ચૂંટણીઓને ધ્યાનમાં રાખીને માયાવતીએ પાર્ટીના તમામ હોદ્દેદારો અને કેડરને ખાસ દિશાનિર્દેશો આપ્યા છે. તેમણે સ્પષ્ટ આદેશ આપ્યો છે કે ઉમેદવારોની પસંદગી કરતી વખતે Gen-Z અને Gen-Alpha ની જરૂરિયાતો અને વિચારોને પ્રાથમિકતા આપવામાં આવે.
BSP નું સંગઠન હવે યુવા ઊર્જા સાથે આગળ વધશે. માયાવતીએ સારા અને શિક્ષિત લોકોને પાર્ટી સાથે જોડવા પર ભાર મૂક્યો છે. આ સાથે જ મહિલાઓ અને પુરુષો બંનેને ચૂંટણી રાજકારણમાં સમાન અને યોગ્ય પ્રતિનિધિત્વ આપવાની કટિબદ્ધતા દોહરાવી છે.
આ પણ વાંચોઃ UGC નિયમો પર આવ્યું માયાવતીનું નિવેદન, જાણો શું કહ્યું?
