richest Buddhist businessmen: સત્ય, પ્રેમ અને કરુણાને દુનિયાભરમાં વસતા કરોડો લોકો સુધી પહોંચાડનાર બૌદ્ધ ધર્મની ધીમી પણ મક્ક્મ ગતિએ દુનિયાભરમાં પહોંચ વધતી જઈ રહી છે. આધુનિક સમયમાં બૌદ્ધ ધર્મ એકમાત્ર ધર્મ છે જે શાંતિ અને અહિંસાનો પાઠ શીખવે છે. બુદ્ધનો સમય હોય કે આજની 21મી સદી… બુદ્ધના માર્ગ પર ચાલીને જ શાંતિ સ્થાપિત કરી શકાય છે.
બુદ્ધ એ માધ્યમ છે જેમણે હિંસાને ખતમ કરવાનો અને અહિંસા-શાંતિના માર્ગ પર ચાલીને જીવનને નવી દિશા આપવાનો સંદેશ આપ્યો… અને આ સંદેશ આજે પણ ચાલુ છે. જોકે ઘણા લોકો હજુ પણ માને છે કે બૌદ્ધ ધર્મ અપનાવનારાઓ વૈરાગી જીવન જીવે છે, તેમને સાંસારિક ઇચ્છાઓ અને સંપત્તિ પ્રત્યે કોઈ લગાવ નથી હોતો અને પૈસા કે મિલકતની કોઈ ચિંતા નથી કરતા, પરંતુ સત્ય એ છે કે ઘણા બૌદ્ધો છે જેમણે વ્યાપાર જગતથી લઈને અન્ય ઘણા ક્ષેત્રોમાં વિશ્વભરમાં પોતાનું નામ કમાવ્યું છે. ચાલો જાણીએ દુનિયાના ટોચના 5 સૌથી ધનિક બૌદ્ધધર્મી બિઝનેસમેનોની, જેઓ બૌદ્ધ ધર્મનું પાલન કરે છે અને નોંધપાત્ર સંપત્તિ ધરાવે છે.
મલેશિયન ઉદ્યોગપતિ આનંદ કૃષ્ણન(Ananda Krishnan)
આ યાદીમાં સૌપ્રથમ નામ આનંદ કૃષ્ણનનું આવે છે, જેઓ એક અગ્રણી મલેશિયન ઉદ્યોગપતિ છે. તેઓ શ્રીલંકાના જાફનામાં સ્થાયી થયેલા તમિલ માતાપિતાના પુત્ર છે. 1 એપ્રિલ, 1938 ના રોજ કુઆલાલંપુરના બ્રિકફિલ્ડ્સમાં જન્મેલા કૃષ્ણન થેરાવાદ બૌદ્ધ ધર્મ પાળતા હતા. તેમની બે પુત્રીઓ અને એક પુત્ર પણ છે, પરંતુ તેમના પુત્ર વેન અજહન સિરીપાન્યો એક બૌદ્ધ ભિક્ષુ છે. કૃષ્ણનના ઘણા બિઝનેસો હતા, જેમાં મલેશિયન કન્સલ્ટન્સી MAI હોલ્ડિંગ્સ Sdn Bhd ની સ્થાપનાનો સમાવેશ થાય છે. તેમણે બાદમાં Exoil ટ્રેડિંગની સ્થાપના કરી, જેના દ્વારા તેમણે ઘણા દેશોમાં તેલ ડ્રિલિંગ કન્સેશન મેળવ્યા હતા.
આ પણ વાંચોઃ થાઈલેન્ડના બૌદ્ધ ધર્મગુરુઓ બુદ્ધના અસ્થિઓના દર્શન કરવા વડોદરા આવ્યા
કૃષ્ણન પછીથી મલેશિયામાં અન્ય બિઝનેસોમાં પ્રવેશ્યા. તેમણે અગાઉ મીડિયા (એસ્ટ્રો), સેટેલાઇટ (MEASAT), તેલ અને ગેસ (ભૂમિ આર્મડા, પેક્સકો) અને ટેલિકોમ્યુનિકેશન (મેક્સિસ, શ્રીલંકા ટેલિકોમ) જેવા વ્યવસાયો ચલાવ્યા હતા. કૃષ્ણન મલેશિયામાં શિક્ષણ, કલા, રમતગમત અને માનવતાવાદી કાર્યોમાં પણ નોંધપાત્ર દાન આપતા હતા. 2010 માં, કૃષ્ણનને ફોર્બ્સની 48 દાનવીરોની યાદીમાં સામેલ કરવામાં આવેલા. તેમણે પ્રતિભાશાળી બાળકોને પ્રોત્સાહન આપતી સંસ્થાઓની સ્થાપના કરી. 28 નવેમ્બર, 2024 ના રોજ 86 વર્ષની વયે તેમનું અવસાન થયું. તેમના મૃત્યુ સમયે તેમની કુલ સંપત્તિ 5.1 બિલિયન અમેરિકી ડોલર હતી.
Twitter ના સહ સ્થાપક- જેક ડોર્સી
જેક ડોર્સી એક અમેરિકન ઉદ્યોગપતિ છે જેઓ ટ્વિટર, ઇન્ક.ના સહ-સ્થાપક અને બે વખતના સીઈઓ, બ્લોક, ઇન્ક.ના સહ સ્થાપક, સીઈઓ, ચેરમેન અને બ્લુસ્કાયના સ્થાપક છે. તેઓ બૌદ્ધ છે. જોકે તેમણે ક્યારેય સત્તાવાર રીતે તેમના ધર્મ પરિવર્તનની જાહેરાત કરી નથી, તેમણે દક્ષિણ આફ્રિકાના ધમ્મ પતાકા ખાતે 10 દિવસની વિપશ્યનાની ધ્યાન પ્રક્રિયા પૂર્ણ કરી હતી. ફોર્બ્સ મેગેઝિને મે ૨૦૨૫ સુધીમાં જેકની કુલ સંપત્તિ આશરે ૩.૮ બિલિયન અમેરિકી ડૉલર હોવાનો અંદાજ લગાવ્યો હતો.
આ પણ વાંચોઃ ભારતના બૌદ્ધો દશેરાને બદલે અશોક વિજયાદશમી કેમ ઉજવે છે?
વિલિયમ ફોર્ડ, જુનિયર(William Ford, Jr.)
ફોર્ડ મોટર કંપનીના એક્ઝિક્યુટિવ ચેરમેન, વિલિયમ ફોર્ડ દાયકાઓથી બૌદ્ધ ધ્યાનનો અભ્યાસ કરી રહ્યા છે. તેમણે કંપનીને મુશ્કેલ સમયમાંથી બહાર કાઢવા માટે બુદ્ધના કરુણા અને માઇન્ડફુલનેસ ધ્યાનના ઉપદેશોનો સહારો લીધો હતો. આજે તેઓ બૌદ્ધ ધર્મના સૌથી મોટા અનુયાયીઓ પૈકીના એક મનાય છે.
કાઝુઓ ઇનામોરી(Kazuo Inamori)
તેઓ Kyocera અને KDDI જેવી મોટી કંપનીઓના સ્થાપક હતા. તેમણે જાપાનમાં ઝેન સાધુ તરીકે પણ સેવા આપી હતી. તેઓ તેમની અમીબા મેનેજમેન્ટ ટેકનિક માટે પ્રખ્યાત બન્યા હતા, જે માનવ મૂલ્યો અને બુદ્ધના સિદ્ધાંતો પર આધારિત છે.
આ પણ વાંચોઃ બૌદ્ધ ભિખ્ખુઓની હજારો કિ.મી.ની પદયાત્રામાં ‘કૂતરું’ આકર્ષણનું કેન્દ્ર બન્યું
ધનિં ચેરાવનોન્ત(Dhanin Chearavanont)
થાઇલેન્ડના સૌથી મોટા ગ્રુપ, Charoen Pokphand Group (CP Group) ના વરિષ્ઠ અધ્યક્ષ, ધનિં એક બૌદ્ધ અનુયાયી છે. તેઓ ઘણીવાર તેમના વ્યવસાયિક નિર્ણયોમાં Right Livelihood જેવા બૌદ્ધ સિદ્ધાંતોને લાગુ કરવાની તરફેણ કરે છે.
સિંગાપોરના ઉદ્યોગપતિ ક્વેક લેંગ બેંગ
ક્વેક લેંગ બેંગ સિંગાપોરના ઉદ્યોગપતિ અને હોંગ લેઓંગ ગ્રુપ સિંગાપોરના એક્ઝિક્યુટિવ ચેરમેન છે. હોંગ લેઓંગની હોટેલ કંપની, સિટી ડેવલપમેન્ટ્સ લિમિટેડે આંતરરાષ્ટ્રીય સ્તરે ઘણી મોટી હોટલો હસ્તગત કરી છે, જેનાથી તે વૈશ્વિક સમૂહ બની છે. ક્વેક સિંગાપોરના સૌથી ધનિક લોકોમાંના એક છે, જેમની કુલ સંપત્તિ 4.8 બિલિયન યુએસ ડોલર હોવાનો અંદાજ છે. ક્વેક બૌદ્ધ ધર્મી છે અને તેમના પરોપકાર કાર્યો માટે જાણીતા છે.
આ પણ વાંચોઃ થાઈલેન્ડના બૌદ્ધ ધર્મગુરુઓ બુદ્ધના અસ્થિઓના દર્શન કરવા વડોદરા આવ્યા
પિયરે મોરાદ ઓમિડ્યાર
પિયરે મોરાદ ઓમિડ્યાર, જેમનું બાળપણનું નામ પરવિઝ મોરાદ ઓમિડ્યાર હતું. તેઓ ફ્રેન્ચમાં જન્મેલા ઈરાની-અમેરિકન અબજોપતિ છે. ૨૧ જૂન, ૧૯૬૭ ના રોજ પેરિસમાં ઈરાની માતાપિતાને ત્યાં જન્મેલા પિયર eBay ના સ્થાપક છે, તેમણે ૧૯૯૮ થી ૨૦૧૫ સુધી કંપનીના ચેરમેન તરીકે સેવા આપી હતી. પિયર ઈરાનના હોવા છતાં તેમને તિબેટીયન બૌદ્ધ ગુરુ દલાઈ લામા પ્રત્યે ખૂબ જ શ્રદ્ધા છે. આના કારણે તેમણે પોતાનું નામ બદલ્યું. જોકે તેમણે ક્યારેય સત્તાવાર રીતે બૌદ્ધ ધર્મ અપનાવવાની જાહેરાત કરી નથી, તેઓ બૌદ્ધ ફિલસૂફી અને દલાઈ લામાના ઉપદેશોનું પાલન કરે છે. તેથી, તેમને બૌદ્ધ ધર્મથી પ્રભાવિત માનવામાં આવે છે.
હોંગકોંગના ઉદ્યોગપતિ લી કા-શિંગ
હોંગકોંગના પ્રખ્યાત ઉદ્યોગપતિ, રોકાણકાર અને પરોપકારી, લી કા-શિંગ, એક સમયે વિશ્વના 30મા સૌથી ધનિક વ્યક્તિ હતા. 13 જૂન, 1928 ના રોજ જન્મેલા લીએ 15 વર્ષની ઉંમરે તેમના પિતા ગુમાવ્યા, જેના કારણે તેમને નાની ઉંમરે શાળા છોડીને કામ કરવાની ફરજ પડી.
1950 માં, તેમણે પોતાની કંપની, ચેંગ કોંગ ઇન્ડસ્ટ્રીઝની સ્થાપના કરી. લગભગ 68 વર્ષની સેવા પછી તેઓ 2018 માં નિવૃત્ત થયા, જૂન 2019 માં તેમની કુલ સંપત્તિ 29.4 બિલિયન યુએસ ડોલર હતી. લી 90 વર્ષના થઈ ગયા છે, હવે તેઓ તેમના પુત્રને વરિષ્ઠ સલાહકાર તરીકે સલાહ આપે છે.
આ પણ વાંચોઃ તથાગત બુદ્ધના અવશેષો વિયેતનામથી ભારત પરત લવાયા
