ઉત્તર પ્રદેશના બદાયૂં જિલ્લાનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં, એક યુવક મુસ્લિમ સમાજના ત્રણ પુરુષોને મારતો જોવા મળે છે. પીડિતોમાં બે વૃદ્ધોનો પણ સમાવેશ થાય છે. કોંગ્રેસે આ ઘટનાનો વીડિયો શેર કરીને મુખ્યમંત્રી યોગી આદિત્યનાથની સરકાર પર નિશાન સાધ્યું. કોંગ્રેસે એવો પણ દાવો કર્યો છે કે આરોપીનું નામ અક્ષય છે અને તે બજરંગ દળનો નેતા છે. પોલીસે તેની ધરપકડ કરી છે અને તેને જેલમાં ધકેલી દીધો છે.
શું છે મામલો?
મીડિયા રિપોર્ટ મુજબ, આ સમગ્ર ઘટના બદાયૂં જિલ્લાના ઇસ્લામનગર પોલીસ સ્ટેશન વિસ્તારમાં આવેલા રૂદયન શહેરમાં બની હતી. પોલીસ સ્ટેશનમાં નોંધાવેલી ફરિયાદમાં, પીડિત અબ્દુલ સલામે જણાવ્યું છે કે 15 ફેબ્રુઆરીના રોજ બપોરે 2 વાગ્યાની આસપાસ, તે અને તેના મિત્રો, આરીફ અને જાવેદ, રૂદયન ગયા હતા.
આરોપ છે કે તેઓ મુખ્ય રસ્તા પરથી પસાર થઈ રહ્યા હતા ત્યારે એક સ્કૂટર સવાર પાછળથી જોરથી હોર્ન વગાડવા લાગ્યો. જ્યારે તેઓ ઝડપથી આગળ વધવામાં નિષ્ફળ ગયા, ત્યારે એ યુવકે સ્કૂટર રોક્યું અને તેમની સાથે દુર્વ્યવહાર કરવાનું શરૂ કર્યું. વાયરલ વીડિયોમાં આરોપી યુવક ત્રણેયની નજીક સ્કૂટર રોકીને તેમને થપ્પડ મારતો દેખાય છે. વીડિયોમાં સ્પષ્ટપણે દેખાય છે કે આરોપી પીડિતા અને તેમના મુસ્લિમ વડીલોને એક પછી એક થપ્પડો મારી જાતિસૂચક ગાળો ભાંડી રહ્યો છે.
આ પણ વાંચો: હિંદુની કિડની મુસ્લિમને, મુસ્લિમની કિડની હિંદુને ટ્રાંસપ્લાન્ટ કરાઈ
પીડિતનો દાવો છે કે જ્યારે તેમણે પ્રતિકાર કર્યો, ત્યારે આરોપીએ તેને લાત અને મુક્કા માર્યા અને જાનથી મારી નાખવાની ધમકી આપી અને પછી ચાલ્યો ગયો. આરોપીની ઓળખ અક્ષય ઉર્ફે છોટુ તરીકે થઈ છે. પીડિતની ફરિયાદ બાદ, પોલીસે આરોપી વિરુદ્ધ FIR નોંધી છે.
यूपी का ये वीडियो देखिए 👇
इसमें बजरंग दल का नेता अक्षय ठाकुर धार्मिक भेदभाव के कारण कुछ लोगों को बुरी तरह मार रहा है, उन्हें सरेराह बेइज्जत कर रहा है।
लेकिन ये पहली बार नहीं है…
2014 से अल्पसंख्यकों के खिलाफ अपराध के मामले लगातार बढ़ रहे हैं। पूरे भारत में ऐसी शर्मनाक… pic.twitter.com/eCQ7KCzwgU
— Congress (@INCIndia) February 21, 2026
પોલીસે જણાવ્યું છે કે વીડિયો ઉપલબ્ધ થતાં જ, તેમણે અક્ષયની ધરપકડ કરી અને 19 ફેબ્રુઆરીના રોજ તેને જેલમાં મોકલી દીધો હતો. વાયરલ વીડિયો વિશે પોલીસને ફક્ત જાણ કરવામાં આવી હતી, જેના કારણે તેમણે શાંતિભંગ કરવા બદલ આરોપીને જેલમાં મોકલી દીધો હતો. જોકે, વીડિયો વાયરલ થયા બાદ, પીડિત મુસ્લિમ વૃદ્ધોએ હવે કેસ દાખલ કર્યો છે અને આરોપીઓ સામે કડક કાર્યવાહીની માંગ કરી છે.
આ પણ વાંચો: ટોળાંએ મુસ્લિમ વૃદ્ધને ‘ગૌમાતાની જય’ બોલાવી, ઉઠકબેઠક કરાવી ફટકાર્યા!
કોંગ્રેસે ભાજપ અને યોગી આદિત્યનાથ પર પ્રહારો કર્યા
કોંગ્રેસે આ ઘટનાનો વીડિયો શેર કરીને ભાજપ શાસિત યુપી સરકાર અને કેન્દ્રની મોદી સરકાર પર નિશાન સાધ્યું છે. કોંગ્રેસે લખ્યું, “વીડિયોમાં બજરંગ દળનો નેતા અક્ષય ઠાકુર ધાર્મિક ભેદભાવને કારણે કેટલાક લોકો પર ક્રૂરતાથી હુમલો કરી રહ્યો છે અને જાહેરમાં તેમનું અપમાન કરી રહ્યો છે. 2014 થી લઘુમતીઓ વિરુદ્ધ ગુનાઓ વધી રહ્યા છે. આવી શરમજનક ઘટનાઓ સમગ્ર ભારતમાં બની રહી છે.
बदायूं में मुस्लिम मुस्लिम बुज़ुर्ग और उनके साथियों के साथ बेरहमी से मारपीट करने वाला बजरंग दल का नेता अक्षय ठाकुर हैं, ठाकुर स्कूटी से जा रहा था, रास्ते में बुजुर्ग अब्दुल सलाम भी अपने साथियों के साथ पैदल चल रहे थे, ठाकुर ने स्कूटी का हॉर्न बजाने पर भी साइड न देने का आरोप लगाया… pic.twitter.com/8Em8SnHxMy
— Zakir Ali Tyagi (@ZakirAliTyagi) February 21, 2026
કોંગ્રેસનો દાવો છે કે આરોપી બજરંગ દળનો નેતા છે. કેટલાક લોકો સોશિયલ મીડિયા પર ધાર્મિક ભેદભાવનો પણ આરોપ લગાવી રહ્યા છે. જોકે, આ દાવાની સત્તાવાર પુષ્ટિ થઈ નથી. આ મામલાની તપાસ ચાલુ છે.
આ પણ વાંચો: બજરંગ દળે દલિત આધેડને બળજબરીથી ગોબર ખવડાવી ઢોર માર માર્યો!
