RSS અને ભાજપ આજે પણ દલિતોને માણસ નથી ગણતા!’ – આ નિવેદન કોંગ્રેસ અધ્યક્ષ મલ્લિકાર્જુન ખડગેએ જાહેર સ્ટેજ પરથી આપ્યું હતું. બિહારની રાજધાની પટના સ્થિત બાપુ સભાઘરમાં બિહાર કેસરી શ્રીકૃષ્ણ સિંહ જયંતી સમારોહનું આયોજન કરવામાં આવ્યું હતું. આ કાર્યક્રમને સંબોધિત કરતા મલ્લિકાર્જુન ખડગેએ કેન્દ્ર સરકાર, ભારતીય જનતા પાર્ટી અને રાષ્ટ્રીય સ્વયંસેવક સંઘ (RSS) પર આક્રમક પ્રહારો કર્યા હતા. તેમણે દાવો કર્યો હતો કે ભાજપ અને આરએસએસના લોકો આજે પણ દલિતોને માણસ તરીકે સ્વીકારવા તૈયાર નથી.
દેશની આઝાદીના 80 વર્ષ વીતી ગયા હોવા છતાં સમાજમાં હજુ પણ અસ્પૃશ્યતા અને આભડછેટનું દૂષણ જીવંત છે.
પોતાના અંગત અનુભવનો ઉલ્લેખ કરતા તેમણે જણાવ્યું હતું કે તેઓ જ્યારે હલ્દ્વાની ગયા હતા, ત્યારે તેમના ગયા પછી ભાજપ અને આરએસએસના લોકોએ તે મંચનું શુદ્ધિકરણ કરાવ્યું હતું. આ બાબત દર્શાવે છે કે તેમની માનસિકતા કેટલી સંકુચિત છે અને જ્યારે દેશની વિશાળ વસ્તીને પોતાની ગણવામાં ન આવે, ત્યારે રાષ્ટ્રમાં સાચી એકતા ક્યારેય સ્થાપિત થઈ શકે નહીં.
આ પણ વાંચો: કર્ણનું આરોપનામુંઃ જયેશ વરિયાનું આ પુસ્તક કેમ ચર્ચામાં છે?
બિહારના પ્રથમ મુખ્યમંત્રી અને મહાન નેતા શ્રીકૃષ્ણ સિંહ એટલે કે શ્રી બાબુને યાદ કરતા ખડગેએ જણાવ્યું કે તેમણે હંમેશાં જાતિની નહીં પરંતુ સમાજની રાજનીતિ કરી હતી. ભારે વિરોધ અને પડકારો વચ્ચે પણ શ્રી બાબુ દલિતોને સાથે લઈને દેવઘર મંદિર પહોંચ્યા હતા અને ત્યાં દલિતોને પ્રવેશ અપાવ્યો હતો. તેમણે આજના નેતાઓને પણ આ જ પ્રકારની પ્રેરણા લઈને દલિતોને સાથે રાખીને દરેક મંદિરમાં જવાનો અનુરોધ કર્યો હતો. શ્રી બાબુએ એવા સમયમાં બિહારમાં જમીનદારી સુધારો કરીને ક્રાંતિકારી ભૂમિ સુધાર કાયદો લાગુ કર્યો હતો, જે સમયમાં સૌથી વધુ જમીનદારો તેમની પોતાની જ જાતિના હતા.
उत्तराखंड के हल्द्वानी में मेरी जनसभा के बाद RSS-BJP के लोगों ने मेरे मंच का शुद्धिकरण किया
बताओ इन लोगों को दलितों से इतनी नफ़रत है, खड़गे जी का यह बयान सुनिए और देखिए
इस वीडियो को हर कांग्रेसी नेता को शेयर और पोस्ट करना चाहिए….Read News https://t.co/ndbjEbw19W
— VINIT( यदुवंश ) (@VinitYaduvnsh) October 26, 2026
જ્યારે આરએસએસ અને જનસંઘના લોકો બિહારમાં સાંપ્રદાયિક તોફાનોના કાવતરા રચી રહ્યા હતા, ત્યારે શ્રી બાબુએ સ્પષ્ટ શબ્દોમાં કહ્યું હતું કે કોમવાદ ભલે હિન્દુ પક્ષનો હોય કે મુસ્લિમ પક્ષનો, બંને બિહારના વિકાસ માટે અત્યંત ખતરનાક છે. તેમણે બિહારમાં ઔદ્યોગિક ક્રાંતિની શરૂઆત કરી હતી, ચકબંધી કરાવી હતી, શિક્ષણ સંસ્થાઓની સ્થાપના કરી હતી અને સિંચાઈ સુવિધાઓની મજબૂત પાયાવિધિ નાખી હતી. આઝાદીની લડાઈમાં શ્રી બાબુ 8 વર્ષ સુધી જેલની સજા ભોગવી ચૂક્યા છે, તેવો સવાલ કરતા ખડગેએ પૂછ્યું કે શું ભાજપ કે સંઘનો કોઈ પણ નેતા આઝાદીની લડાઈ માટે ક્યારેય જેલ ગયો હતો?
આ પણ વાંચો: “તમે ભણીને શું કરશો, તમારી જાતિ સફાઈ કરવા માટે બની છે..”
ચૂંટણી આયોગ અને વોટ ચોરીના ગંભીર આરોપો
વર્તમાન રાજકીય સ્થિતિ અને ચૂંટણી પ્રક્રિયા પર સવાલ ઉઠાવતા ખડગેએ ભગવાન શ્રીરામથી પ્રાર્થના કરી હતી કે તેઓ મંદિરના દાન ચોરનારાઓને સદબુદ્ધિ આપે અને સાથે સાથે વોટ ચોરી કરવા માટે તેમને યોગ્ય દંડ પણ આપે. તેમણે ગંભીર આરોપ મૂક્યો કે ભાજપ અને જ્ઞાનેશ કુમાર મળીને મત ચોરીનું મોટું કાવતરું ચલાવી રહ્યા છે અને દેશના વિવિધ રાજ્યોમાં વોટ ચોરી કરીને જ સરકારો બનાવવામાં આવી રહી છે.
કોંગ્રેસ સાંસદ રાહુલ ગાંધીએ મહિનાઓ અગાઉ જે ગંભીર વાતો કહી હતી, તે હવે ધીમે ધીમે સંપૂર્ણપણે સાચી સાબિત થઈ રહી છે. બે-બે ચૂંટણી કમિશનરો દ્વારા ૧૪ વખત પત્રો લખીને જ્ઞાનેશ કુમારની વોટ ચોરીની દાનત પર સવાલો અને વાંધા નોંધાવવામાં આવી હતી, પરંતુ તેમની વાતને તંત્ર દ્વારા સદંતર નજરઅંદાજ કરવામાં આવી હતી.
આ પણ વાંચો: અમદાવાદની દલિત ઈન્ફ્લુએન્સરને જાતિસૂચક ગાળો આપી ટ્રોલ કરાઈ
મોદી સરકારની નિષ્ફળતાઓ અને વિપક્ષનો હુમલો
કેન્દ્ર સરકારની આર્થિક નીતિઓ અને જનવિરોધી વચનો પર પ્રહાર કરતા ખડગેએ સવાલ કર્યો કે સરકાર દ્વારા જે 100 દિવસમાં દેશમાં કાળું નાણું પાછું લાવવાના મોટા દાવાઓ કરવામાં આવ્યા હતા, તે કાળું ધન આજે ક્યાં ગયું? દેશના ખેડૂતોની આવક બમણી કરવાના વચનનું શું થયું? અને દેશના યુવાનોને દર વર્ષે 2 કરોડ નોકરીઓ આપવાના વાયદાનું શું પરિણામ આવ્યું?
આ તમામ જનહિતના સવાલો પૂછવામાં આવે ત્યારે સરકારના નેતાઓ તેનો સીધો જવાબ આપવાને બદલે કોંગ્રેસનું નામ લઈને સંસદ અને સભાગૃહમાં હોબાળો મચાવવા લાગે છે. વડાપ્રધાન મોદી અને અમિત શાહના સપનામાં પણ હવે રાહુલ ગાંધી જ આવે છે. સંસદ ભવનમાં જ્યારે રાહુલ ગાંધી ઉપસ્થિત હોય છે, ત્યારે મોદી અને શાહ ડરના માર્યા સદનમાં આવવાનું ટાળે છે.
અંતમાં તેમણે એક જોશભરી કવિતા રજૂ કરતા કહ્યું કે, સત્યના અવાજને ક્યારેય દબાવી શકાતો નથી, જનતાના હકને આ રીતે ખતમ કરી શકાતો નથી, જ્યારે દેશ પોતાના અધિકારો માટે જાગી જાય, ત્યારે તેને કોઈ પણ તોફાનથી ડરાવી શકાતો નથી.
આ પણ વાંચો: સુરતમાં દલિત બાળકને જૈન શખ્સે એટલો માર્યો કે પેશાબ કરી ગયો!
